தொடக்கம் முதலே இருவரும் சிறப்பாக விளையாடினார்கள். ஒருவொருக்கு ஒருவர் விட்டுக்கொடுக்காமல் விளையாடியதால் இருவரும் மாறிமாறி புள்ளிகள் பெற்றனர்.
ஒரு கட்டத்தில் இருவரும் 3-3 என சமநிலையில் இருந்தனர். அதன்பின் ஒகுஹாரா தொடர்ந்து இரண்டு புள்ளிகள் பெற்று 5-3 என முன்னிலைப் பெற்றார். அதன்பின் சிந்து நான்கு புள்ளிகள் பெற 7-5 என முன்னிலைப் பெற்றார். முதல் செட்டின் பாதி நேரத்தில் 11-5 என முன்னிலைப் பெற்றார் சிந்து.
அதன்பின் ஜப்பான் வீராங்கனை அபாரமான ஆட்டத்தை வெளிப்படுத்தி 11-14 என முன்னேறினார். பின்னர் 13-14 என சிந்துவை துரத்தினார். அதன்பிறகு 16-14 என ஜப்பான் வீராங்கனை முந்தினார். அதன்பிறகு சிந்துவால் முன்னேற முடியவில்லை. 14-17 எனவும், 16-18 எனவும், 18-19 எனவும் பின்தங்கிய நிலையில் 19-21 என முதல் செட்டை இழந்தார். முதல் செட் ஆட்டம் 25 நிமிடங்கள் நீடித்தது.
2-வது செட்டில் பிவி சிந்து வெற்றி பெற்றே தீர வேண்டும் என்ற கட்டாயத்தில் விளையாடினார். இந்த செட்டை கைப்பற்றி சாம்பியன் பட்டம் வெல்ல வேண்டும் என ஒகுஹாரா திட்டமிட்டு களம் இறங்கினார்.
இதனால் 2-வது செட் கடும் பரபரப்பாக சென்றது. ஒரு கட்டத்தில் பிவி சிந்து 6-2 என அதிக முன்னிலையில் இருந்தார். அதன்பின் 9-3 என பிரகாசமாக விளங்கினார். 2-வது செட்டின் முதல் பாதியில் 11-8 என சிந்து முன்னிலை பெற்றார்.
அதன்பின் ஒகுஹாரா 13-12 என முன்னிலைப் பெற்றார். இதனால் போட்டியில் பரப்பரப்பு தொற்றிக் கொண்டது. பின்னர் ஆக்ரோசமான ஆட்டத்தை பிவி சிந்து வெளிப்படுத்த 16-13 என சிந்து முன்னிலைப் பெற்றார். பின்னர் ஸ்கோர் இழுபறியாக சென்றது.
சிந்து 20-17 என முன்னிலையில் இருந்தபோது 21-17 என 2-வது செட்டை கைப்பற்றுவார் என எதிர்பார்க்கப்பட்டது. ஆனால் ஒகுஹாரா தொடர்ச்சியாக மூன்று புள்ளிகள் பெற்று சிந்துவிற்கு அதிர்ச்சி அளித்தார். இதனால் ஸ்கோர் 20-20 என சமநிலைப் பெற்றது. அதன்பின் சிந்து அபாரமான இரண்டு புள்ளிகள் பெற்று 22-20 என 2-வது செட்டை கைப்பற்றினார். இந்த வெற்றியை பெற பிவி சிந்திவிற்கு 38 நிமிடங்கள் தேவைப்பட்டது.
இதனால் வெற்றியை தீர்மானிக்கும் 3-வது செட்டை இருவரும் எதிர் கொண்டனர். தொடக்கத்தில் 1-3 என பிவி சிந்து பின்தங்கியிருந்தார். அதன்பின் 5-5 என சமநிலை அடைந்தார்.
பின்னர் 9-7 என சிந்து முன்னிலையில் இருந்தார். பிவி சிந்து பர்வீஸை முறியடித்த ஒகுஹாரா, தனது சர்வீஸையும் சிறப்பாக பினிஷ் செய்தார். இதனால் 9-9 என ஸ்கோர் சமநிலைப் பெற்றது. அடுத்து ஒகுஹாரா செய்த சர்வீஸை மின்னல் வேகத்தில் முறியடித்தார் சிந்து. அடுத்த புள்ளியையும் பெற்று பாதி நேரத்தில் 11-9 சிந்து முன்னிலைப் பெற்றார்.
பின்னர் ஆட்டம் இழுபறியாக சென்றது. 14-14, 15-15 என சமநிலையில் சென்றது. ஒரு கட்டத்தில் சிந்து 19-17 என முன்னிலையில் இருந்தார். அதன்பின் ஒகுஹாரா தொடர்ச்சியாக இரண்டு புள்ளிகள் பெற்றார். இதனால் ஸ்கோர் 19-19 என சமநிலைப் பெற்றது.