புதுடெல்லி:
கார் பயணம் செய்யும் முன் காரின் பிரேக் மற்றும் ரியர் கண்ணாடிகளை சரி செய்வது பாதுகாப்பான பயணத்தை உறுதி செய்யும். எனினும் சில சமயங்களில் காரின் பிரேக் சரியாக வேலை செய்யாமல் போகலாம். இவ்வாறு சாலையில் செல்லும் போது காரின் பிரேக் வேலை செய்யாமல் போகலாம்.
காரின் பிரேக் வேலை செய்யாமல் போகும் போது எத்தனை திறமையான ஓட்டுநராக இருந்தாலும் காரை திடீரென கட்டுப்படுத்துவது சிரமமான காரியமே. இவ்வாறு காரின் பிரேக் வேலை செய்யாமல் போனால் பாதுகாப்பாக தப்பிக்க என்ன செய்ய வேண்டும் என்பதை தொடர்ந்து பார்ப்போம்.
- திடீரென காரில் பிரேக் பிடிக்காமல் போனால் முதலில் மனதில் பதற்றமடைவதை தவிர்க்க வேண்டும்.
- அடுத்து காரின் ஹெட்லைட்டை ஒளிர விட்டு எதிரே வாகனங்களுக்கு எச்சரிக்கை செய்ய வேண்டும்.
- இனி காரின் வேகத்தை குறைத்து கியரை படிப்படியாக முதல் கியருக்கு கொண்டு வரந்து, பின்னர் காரை மெதுவாக சாலையின் இடது புறத்திலேயே செலுத்து வேண்டும்.
- முதல் கியருக்கு வந்ததும் காரின் ஹேண்ட் பிரேக்கை மெதுவாக தூக்கி காரை மெதுவாக நிறுத்த முயற்சிக்க வேண்டும்.
- பதட்டத்தில் கார் வேகமாக செல்லும் போது ஹேண்ட் பிரேக்கை பயன்படுத்தக் கூடாது, இவ்வாறு செய்தால் ஹேண்ட் பிரேக் கேபிள் அறுந்து விடும் வாய்ப்புகள் அதிகம்.
- காரின் பிரேக் பிடிக்காத சமயங்களில் அதனை நிறுத்தும் ஒரேஆயுதம் ஹேண்ட் பிரேக் மட்டுமே. அதுவும் பதட்டத்தில் அறுந்து விட்டால் சூழ்நிலை மோசமானதாகி விடும்.