கொல்கத்தா:
திரிணாமுல் காங்கிரஸ் கட்சி தலைவரும், மேற்கு வங்காள மாநில முதல்- மந்திரியுமான மம்தா பானர்ஜி தனது வாழ்க்கையில் கடந்து வந்த பாதை தொடர்பான வாழ்க்கை வரலாறு புத்தகத்தை அவரது ஒப்புதல் மற்றும் வழிகாட்டுதலுடன் பிரபல எழுத்தாளரான ஷுட்டப்பா பால் என்பவர் ஆங்கிலத்தில் இயற்றியுள்ளார்.
‘அக்கா: சொல்லப்படாத மம்தா பானர்ஜி’ (Didi: The Untold Mamata Banerjee) என்ற பெயரில் இன்று விற்பனைக்கு வெளியாகியுள்ள இந்த புத்தகத்தில் மம்தாவின் கல்லூரிக் கால வாழ்க்கை, அவரது அரசியல் பிரவேசம், அவர் முன்நின்று நடத்திய போராட்டங்கள், எதிர்க்கட்சிகளை எதிர்த்து வென்ற அவரது தனிப்பாணி, முதல் மந்திரியாக அவர் ஆற்றிய சாதனைகள் மற்றும் தற்போது தேசிய அரசியலின் பக்கம் திரும்பியுள்ள மம்தாவின் பார்வை மற்றும் 2019- பாராளுமன்ற தேர்தலில் அவர் ஆற்றவுள்ள பங்களிப்பு உள்ளிட்ட முக்கியமான அம்சங்கள் இடம்பெற்றுள்ளன. #MamataBanerjee #Mamatabiography