சிவப்பு மண்டலத்துக்கு மாறியது- கொரோனா பீதியில் விழுப்புரம் மக்கள்

சென்னை கோயம்பேடு மார்க்கெட்டில் கொரோனா தொற்று பரவியதால் அங்கிருந்து 700 பேர் விழுப்புரம் மாவட்டத்துக்கு வந்தனர். இதனால் கொரோனா பாதித்தவர்களின் எண்ணிக்கை 300-ஐ தாண்டியது. இதைத்தொடர்ந்து விழுப்புரம் மாவட்டத்தை சிவப்பு மண்டலமாக மத்திய அரசு அறிவித்தது. இருப்பினும் குணமடைந்தவர்களின் எண்ணிக்கை அதிகரிக்க தொடங்கியதால் ஒரு வாரத்திலேயே ஆரஞ்சு மண்டலத்துக்கு மாறியது.

இதைத்தொடர்ந்து விழுப்புரம் மாவட்டத்துக்கு மகாராஷ்டிரா, டெல்லி, பீகார், உத்தரபிரதேசம் உள்ளிட்ட வெளி மாநிலங்களில் இருந்து வந்தவர்களால் கொரோனா தொற்று அதிகரிக்க தொடங்கியது. நாளுக்கு நாள் 5,6,8, என்ற எண்களின் அடிப்படையில் உயர்ந்து வந்த கொரோனா தொற்று தற்போது 385-ஐ எட்டியுள்ளது. 55 பேர் கொரோனாவால் பாதிக்கப்பட்டு ஆஸ்பத்திரிகளில் சிகிச்சை பெற்று வருகின்றனர். இதனால் மீண்டும் விழுப்புரம் மாவட்டம் சிவப்பு மண்டலமாக மாறியுள்ளது. மாவட்டத்தில் தற்போது 327 பேர் கொரோனாவிலிருந்து விடுபட்டு வீடு திரும்பியுள்ளனர்.