பல்கேரியா குத்துச்சண்டை போட்டியில் சிறந்த வீரர் விருது வென்று விகாஸ் கிரிஷண் அசத்தல்

ஆண்களுக்கான 75 கிலோ எடைப் பிரிவு இறுதிப்போட்டியில் இந்திய வீரர் விகாஸ் கிரிஷண், உலக சாம்பியன்ஷிப் போட்டியில் வெண்கலம் வென்ற அமெரிக்காவின் டிராய் இஸ்லேவை வென்று, தங்கப்பதக்கத்தை தட்டிச்சென்றார். கடந்தாண்டு ஏப்ரல் மாதம் நடைபெற்ற ஆசிய சாம்பியன்ஷிப் போட்டிக்குப் பிறகு விகாஸ் பெறும் முதல் பதக்கம் இதுவாகும். அத்துடன், பல்கேரியப் போட்டியின் சிறந்த வீரராகவும் அவர் தேர்ந்தெடுக்கப்பட்டார். இந்த சிறப்பை பெறும் முதல் இந்தியர் என்ற பெருமையையும் அவர் பெற்றார்.

அவரைத் தவிர, அமித் பங்கல், 49 கிலோ எடைப் பிரிவில் தங்கம் வென்றார். ஆண்கள் பிரிவில் கவுரவ் சோலங்கி, 52 கிலோ எடைப் பிரிவில் வெள்ளிப்பதக்கம் வென்றார். முகமது ஹூசாமுதீன் (56 கிலோ), சதீஷ்குமார் (91+ கிலோ) ஆகியோர் வெண்கலம் வென்றனர்.