விஜயபாஸ்கரை அமைச்சர் பதவியில் இருந்து நீக்க வேண்டும்: ராமதாஸ் - ஜி.கே.வாசன் வலியுறுத்தல்

பா.ம.க. நிறுவனர் ராமதாஸ் வெளியிட்டுள்ள அறிக்கையில் கூறியிருப்பதாவது:-

தமிழக சுகாதாரத்துறை அமைச்சர் விஜயபாஸ்கருக்கு சொந்தமான 35 இடங்களில் கடந்த ஏப்ரல் 7-ந் தேதி நடத்தப்பட்ட சோதனைகளின் அடுத்தக்கட்டமாக அவரது சொத்துகள் அனைத்தையும் முடக்கி வருமானவரித்துறை ஆணையிட்டுள்ளது. வருமானவரித்துறை நடவடிக்கை வரவேற்கத்தக்கது. விசா ரணையின் அடுத்தக்கட்டமாக விஜயபாஸ்கர் எந்த நேரமும் கைது செய்யப்படக்கூடும். இப்படிப்பட்ட ஒருவர் அமைச்சராக நீடிப்பது முறையல்ல.