செய்திகள்

ஆகஸ்ட் 5-ம் தேதி குடியரசு துணைத் தலைவர் தேர்தல்: தலைமை தேர்தல் ஆணையர் அறிவிப்பு

இந்திய குடியரசு துணைத்தலைவர் பதவிக்காலம் நிறைவடைய உள்ளதால், புதிய துணைத் தலைவரை தேர்வு செய்வதற்கான தேர்தல் ஆகஸ்ட் 5-ம் தேதி நடைபெற உள்ளது.

மாலை மலர்

Published:29th Jun, 2017 at 11:42 AM

ஜனாதிபதி பிரணாப் முகர்ஜி பதவி காலம் வருகிற ஜூலை மாதம் 24-ந்தேதியுடன் முடிவடைவதால் புதிய ஜனாதிபதியை தேர்ந்து எடுக்க 17-ந்தேதி தேர்தல் நடக்கிறது.

இந்த தேர்தலில் பா.ஜனதா சார்பில் ராம்நாத் கோவிந்தும், எதிர்க்கட்சிகள் சார்பில் மீராகுமாரும் போட்டியிடுகிறார்கள்.

இருவரும் வேட்பு மனு தாக்கல் செய்துவிட்டு நாடு முழுவதும் சுற்றுப்பயணம் செய்து ஆதரவு திரட்டும் பணியில் ஈடுபட்டுள்ளனர்.

இதற்கிடையே துணை ஜனாதிபதி ஹமித் அன்சாரியின் பதவி காலம் வருகிற ஆகஸ்ட் மாதம் 10-ந்தேதி முடிவடைகிறது. இதனால் ஜனாதிபதி தேர்தல் முடிவடைந்ததும் துணை ஜனாதிபதி தேர்தல் நடைபெறுகிறது.

இதற்கான அறிவிப்பை தலைமை தேர்தல் கமி‌ஷனர் நஜீம் ஜைதி டெல்லியில் இன்று வெளியிட்டார்.

அதன்படி துணை ஜனாதிபதி தேர்தல் ஆகஸ்ட் மாதம் 5-ந்தேதி நடைபெறுகிறது. அன்று காலை 10 மணிக்கு தொடங்கி மாலை 5 மணி வரை ஓட்டுப்பதிவு நடைபெறும்.

இதில் மக்களவையில் பா.ஜனதா பலம் 280 ஆக உள்ளது. இதுதவிர அதன் கூட்டணி கட்சிகளான சிவசேனா (18), தெலுங்கு தேசம் (16), தெலுங்கானா கட்சி (11), பிஜூ ஜனதா தளம் (20), லோக்ஜனசக்தி (6), அகாலிதளம் (4) போன்ற கட்சிகளின் ஆதரவும் உள்ளது. இதுதவிர அ.தி.மு.க.வின் 37 எம்.பி.க்கள், ஒய்.எஸ்.ஆர். காங்கிரசின் 9 எம்.பி.க்கள் ஆதரவும் பா.ஜனதாவுக்கு கிடைக்கும்.