வேட்டவலத்தில் வாகனம் மோதி விவசாயி பலி

வேட்டவலம்:

விழுப்புரம் மாவட்டம் செஞ்சி வட்டம் போத்துவாய் கிராமம் பள்ளத்தெருவை சேர்ந்தவர் தங்கதுரை (வயது 44), விவசாயி. இவர் நேற்று முன்தினம் காலை மோட்டார்சைக்கிளில் திருவண்ணாமலை - விழுப்புரம் நெடுஞ்சாலையில் வேட்டவலம் அருகே வந்தபோது எதிரே வந்த அடையாளம் தெரியாத வாகனம் மோட்டார்சைக்கிள் மீது மோதியது. இதில் படுகாயம் அடைந்த அவரை அக்கம்பக்கத்தினர் மீட்டு சிகிச்சைகாக திருவண்ணாமலை அரசு மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார்.