மதுரையில் காய்கறி விலை பாதியாக குறைந்தது

முருங்கைக்காய் ரூ.30-க் கும், மாங்காய் ரூ.80-க்கும் விற்கப்படுகிறது. மலைப்பகுதி காய்கறிகளான கேரட், பீட்ரூட், பீன்ஸ் உள்ளிட்ட காய்கறிகளின் விலை சற்று அதிகரித்துள்ளது. பீன்ஸ் கிலோ ரூ.75-க்கு விற்கப்படுகிறது.

மதுரை மற்றும் சுற்றுப் பகுதிகளில் வாழை விவசாயம் அதிகளவில் செய்யப்பட்டுள்ளதால் மார்க்கெட்டுகளுக்கு வாழை இலை கட்டுகள் வரத்தும் அதிகரித்துள்ளது. ஆனால் பண்டிகை மற்றும் முகூர்த்த காலம் என்பதால் வாழை இலைக்கு மக்கள் மத்தியில் கடும் கிராக்கி ஏற்பட்டுள்ளது.

இதனால் 200 இலைகள் கொண்ட ஒரு கட்டு ரூ.2 ஆயிரம் முதல் ரூ.3 ஆயிரம் வரை விற்கப்பட்டு வந்தது. இன்று விலை ஓரளவு குறைந்து அதிகபட்சமாக ரூ.2 ஆயிரமாக விற்கப்பட்டது. ஒரு இலை ரூ.10-க்கு விற்பனை ஆனது.

இது குறித்து சென்ட்ரல் மார்க்கெட் வியாபாரிகள் சங்கத்தலைவர் பி.எஸ்.முருகன் கூறியதாவது:-

காய்கறி வரத்து அதிகரிப்பதன் காரணமாக விலைகள் குறைந்து வருகிறது. இன்னும் சில நாட்களிலும் மேலும் விலை குறைய வாய்ப்பு உள்ளது.

வாழை இலையை பொறுத்தவரை முகூர்த்த காலம் என்பதால் கிராக்கி ஏற்பட்டு விலை அதிகரித்துள்ளது. அடுத்த வாரத்தில் இருந்து வாழை இலை விலை குறைய வாய்ப்புள்ளது.

காய்கறிகளில் தக்காளி, பச்சை மிளகாய், கொத்தமல்லி விலைகள் குறைந்துள்ளன. பீன்ஸ், மாங்காய் விலை அதிகரித்துள்ளது.

இவ்வாறு அவர் கூறினார்.