மீனவர்களுக்கு ஜி.பி.எஸ். கருவி வழங்க தமிழக அரசு தவறி விட்டது: வைகோ

அவர்கள் கடலில் தவித்துக் கொண்டு இருக்கிறார்கள். மராட்டிய மாநிலம் வேகர் துறைமுகத்தில் 98 படகுகளும், குஜராத்தில் 60 படகுகளும் கரை ஒதுங்கி இருப்பதாக தெரியவந்துள்ளது. அவர்களை மீட்க நடவடிக்கை எடுக்க வேண்டும். தற்போது கடற்கரை கிராமங்களில் அழுகுரல் கேட்கிறது. அவர்களுக்கு உரிய நிவாரணம் வழங்க வேண்டும்.

தமிழக அரசு புயலில் சிக்கி உயிரிழந்த மீனவர் குடும்பத்துக்கு ரூ.10 லட்சம் நிவாரண நிதி வழங்க வேண்டும். அவர்களின் படகுகளை சீரமைக்கவும் உரிய நிதி அளிக்க வேண்டும். தேர்தல் நேரத்தில் ஜி.பி.எஸ். கருவி வழங்குவோம் என்று கூறி இருந்தனர். அதனை வழங்க தமிழக அரசு தவறி விட்டது. அதனை வழங்கியிருந்தால் மீனவர்களை கண்டுபிடித்து இருக்கலாம். குமரி மாவட்டத்தில் ஹெலிகாப்டர் தளம் இல்லாதது மிகப்பெரிய பாதிப்பு. குமரி மாவட்டத்தில் ஏராளமான விளை நிலங்களும் பாதிக்கப்பட்டுள்ளன. நெற்பயிர்கள் நீரில் மூழ்கி உள்ளது. இவற்றை அரசு உரிய முறையில் கணக்கெடுத்து நிவாரண பணிகளை முடுக்கி விட வேண்டும். முதல்-அமைச்சர் எடப்பாடி பழனிசாமி எம்.ஜி.ஆர். நூற்றாண்டு விழாவில் கலந்து கொண்டிருந்தாலும் குமரி மாவட்டத்துக்கு வந்து இங்கு ஏற்பட்டுள்ள சேதத்தை ஆய்வு செய்திருக்க வேண்டும்.