தமிழக அதிகாரியின் இடைநீக்கத்தை ரத்து செய்ய வேண்டும்: அசாம் முதல்-மந்திரிக்கு, வைகோ கடிதம்

தகவல் அறியும் உரிமைச் சட்டத்தின் கீழ் நிப்பஸ் அமைப்பினர் சில தகவல்களை கேட்டு விண்ணப்பித்ததன் அடிப்படையில், டாக்டர் ராஜமார்த்தாண்டன், அசாம் மாநில காவல்துறை, அந்த போராட்டம் குறித்து மேற்கொண்ட ஆய்வு அறிக்கையின் சில தகவல்களை அளித்து இருக்கின்றார். இதனால் அவர் பணி இடைநீக்கம் செய்யப்பட்டதுடன், ஏப்ரல் 7-ந்தேதி கைது செய்யப்பட்டு சிறையில் அடைக்கப்பட்டார். ஜூன் 12-ந்தேதி நீதிமன்றத்தால் பிணையில் விடுவிக்கப்பட்டுள்ளார்.

எனக்குத் தெரிந்த அளவில், தமிழகத்தின் பழம்பெருமை மிக்க கோவில் நகரமான மதுரைக்கு அருகில் உள்ள ஒரு கிராமத்தைச் சேர்ந்த டாக்டர் ராஜமார்த்தாண்டன் ஒரு நேர்மையான அதிகாரி என்பதுடன், 2015, 2016-ம் ஆண்டுகளில் சிறப்பாகப் பணி ஆற்றியமைக்காக அரசு விருதும் பெற்றுள்ளார். தலித் சமூகத்தைச் சேர்ந்த அந்த இளம் அதிகாரியின் எதிர்காலத்தைக் கனிவுடன் கருத்தில் கொண்டு, அவரது பணி இடை நீக்கத்தை ரத்து செய்து பாதுகாக்க வேண்டும்.