நான் ராசி இல்லாதவனா?- வைகோ ஆவேசம்

அதற்கு இடம்கொடுக்க கூடாது என்பதில் உறுதியாக உள்ளோம். எனவே எந்த எதிர்பார்ப்பும் இல்லாமல் தி.மு.க.வுக்கு வலிமை சேர்க்க முடிவு செய்துள்ளேன்.

என்னைப் பற்றி இணைய தளங்களில் வரும் மீம்சை பார்த்து ரொம்ப சந்தோஷப்படுகிறேன். ஒரு அறையில் உட்கார்ந்து அரசியல் பற்றி அவர்களாக கற்பனை செய்து யாரையாவது கேலி பண்ணனும், கிண்டல் பண்ணனும் என்று போடுகிறார்கள்.

நான் அதை பார்ப்பேன். ஆனால் அதை பெரிதாக எடுத்துக் கொள்வதில்லை. அவரவர் சந்தோஷத்துக்கு போட்டு இருக்கிறார்கள். ரசித்துவிட்டு போகட்டும் என்று இருப்பேன். அதைப்பற்றி நான் வருத்தப்படுவதில்லை.

கடந்த இரண்டு மூன்று மாதங்களாக எனக்கு ஆதரவாகவே மீம்ஸ் போட்டு வருகிறார்கள். சமூக வலை தளங்களில் வரும் மீம்ஸ் எல்லாவற்றையுமே பார்க்கிறேன்.

மீம்சில் என்னை ராசியில்லாத தலைவர் என்று சொல்பவர் என்னை விரோதியாக நினைப்பது மட்டுமல்ல நான் நாட்டிலேயே இருக்கக் கூடாது என்று நினைக்கிறவன். அவன் என் மீது எந்த குற்றச்சாட்டையும் சொல்ல முடியாது என்கிற போது இப்படி போடுகின்றான்.

தி.மு.க.வில் இருந்து எம்.ஜி.ஆர் வெளியேறிய பிறகு தெற்கு சீமையிலே தி.மு.க.வை கட்டிக்காத்தவன் நான் என்று கலைஞராலும் எல்லோராலும் பாராட்டப்பட்டேன். இந்த கறுப்புதுண்டு தான் தெற்கே ஒரு பகுதியை ஜெயிக்க வைத்தது. மயிலாடுதுறை இடைத்தேர்தலில் தி.மு.க.வை ஜெயிக்க வைத்தது. 2 வருடம் ஜெயிலில் இருந்துவிட்டு வந்தேன். 2 தடவை கலைஞர் வந்து பார்த்தார். 2004 நாடாளுமன்ற தேர்தலில் 64 நாட்கள் நான் பிரசாரம் செய்தேன். அப்போது 40 தொகுதிகள் வெற்றிக்கு முக்கிய காரணம் வைகோ பிரசாரம் என்று பத்திரிகைகள் எழுதின.

நான் ராசி உள்ளவன், ராசியில்லாதவன் என்று நினைப்பதில்லை. நான் பகுத்தறிவாளன். வைகோ அரசியலில் அழிந்து விடுவார் என்று நினைத்தவன் இப்போது எழுந்து வரும்போது மீம்ஸ் போடுகிறான். இந்த மீம்சை பார்த்து என்மீது எவ்வளவு எரிச்சல் இருக்கிறது என்று நினைத்துக் கொள்வேன்.