நெல்லை பேட்டையில் குளத்தில் மூழ்கி 2 சிறுவர்கள் பலி

இதையடுத்து மாணவர்களின் பெற்றோர் மற்றும் உறவினர்கள் சம்பவ இடத்துக்கு வந்தனர். அங்கு பிணமாக கிடந்த மாணவர்கள் சுதாகர், பேச்சிமுத்து ஆகியோரின் உடல்களை பார்த்து கதறி துடித்தனர். மாணவர்களின் உடல்களை போலீசார் மீட்டு பிரேத பரிசோதனைக்காக நெல்லை அரசு ஆஸ்பத்திரிக்கு அனுப்பி வைத்தனர்.

சிறுவர்கள் பலியான சின்ன தாமரைகுளத்தில் தற்போது தண்ணீர் இல்லை. இதனால் அந்த பகுதியை சேர்ந்த சில விவசாயிகள் குளத்தின் ஒரு பகுதியில் சுமார் 25 அடி ஆழத்துக்கு கிணறு போல் தோண்டி அதில் இருந்து தண்ணீர் எடுத்து விவசாயத்துக்கு பயன்படுத்தி வந்தனர்.

நேற்று அந்த பகுதிக்கு சென்ற சிறுவர்கள் சுதாகர், பேச்சிமுத்து ஆகிய இருவரும் தண்ணீரை பார்த்ததும் உள்ளே இறங்க முயன்ற போது ஒருவர் பின் ஒருவராக வழுக்கி விழுந்து நீரில் மூழ்கி இருக்கலாம் என்று கூறப்படுகிறது.

இதுகுறித்து பேட்டை போலீசார் வழக்குப்பதிந்து விசாரணை நடத்தி வருகிறார்கள். குளத்தில் மூழ்கி 2 சிறுவர்கள் பலியான சம்பவம் பேட்டை பகுதியில் சோகத்தை ஏற்படுத்தி உள்ளது.