ஆர்.கே.நகரில் மீண்டும் போட்டியிட்டு வெற்றி பெறுவேன்: டி.டி.வி.தினகரன்

இரட்டை இலை சின்ன விவகாரத்தில் தேர்தல் ஆணையம் கொடுத்த காலக்கெடு போதுமானது அல்ல. இருப்பினும் எங்கள் தரப்பு நியாயங்களை எடுத்து கூறியுள்ளோம். இரட்டை இலை சின்னம் எங்களுக்கே கிடைக்கும் என நம்புகிறேன்.

ஆர்.கே.நகர் இடைத்தேர்தலில் மீண்டும் போட்டியிட்டு வெற்றி பெறுவேன். கடந்த முறை நான் வெற்றி பெறுகிற சூழல் இருந்த நேரத்தில்தான் தேர்தல் ரத்து செய்யப்பட்டது. ஓ.பி.எஸ். உள்ளிட்ட 12 சட்டமன்ற உறுப்பினர்களுக்கு எதிராக நாங்கள் தொடர்ந்துள்ள வழக்கு விசாரணை ஐகோர்ட்டில் நடந்து வருகிறது.

அதில் அவர்கள் மீது நடவடிக்கை எடுக்க வேண்டியதன் அவசியம் குறித்து டெல்லியில் இருந்து வர உள்ள மூத்த வக்கீல்கள் வாதிட உள்ளனர். அந்த வழக்கிலும் வெற்றி பெறுவோம்.

இவ்வாறு அவர் கூறினார்.