எடப்பாடி அரசை முடிவுக்கு கொண்டுவர தமிழக மக்கள் காத்து கொண்டிருக்கிறார்கள்: தினகரன்

பாபநாசம், சாலியமங்கலம், அம்மாப்பேட்டை பகுதியில் திறந்தவெளி வேனில் நின்றபடி டி.டி.வி.தினகரன் எம்.எல்.ஏ. பேசினார். அப்போது அவர் கூறியதாவது:-

சென்னை ஆர்.கே.நகர் இடைத்தேர்தலில் போட்டியிட்டபோது நமக்கு சுயேச்சை சின்னம் கொடுக்கப்பட்டது. தமிழக வரலாற்றில் இல்லாத அளவுக்கு ஆளும் கட்சியையும், பிரதான எதிர்க்கட்சியையும் எதிர்த்து நான் வெற்றி பெற்றேன். தமிழகத்தில் நடக்கும் எடப்பாடி ஆட்சியை முடிவுக்கு கொண்டு வர வேண்டும் என்று தமிழக மக்கள் காத்து இருக்கின்றனர். எப்போது தேர்தல் வந்தாலும் ஜெயலலிதாவின் ஆட்சியை அமைத்து மக்களுக்கு தேவையான திட்டங்களை செயல்படுத்துவோம்.