ஸ்டெர்லைட் ஆலையை மூடக்கோரி தூத்துக்குடியில் லாரிகள் ஸ்டிரைக்

இதைத்தொடர்ந்து விண்ணப்ப மனுவை பரிசீலித்த மாசு கட்டுப்பாட்டு வாரியம் அந்த மனுவை ஏற்காமல் உரிமத்தை புதுப்பிக்க மறுத்தது. இதனால் ஆலை தொடர்ந்து இயக்கப்படாமல் மேலும் 15 நாட்களுக்கு மூடப்படுவதாக ஸ்டெர்லைட் ஆலை நிர்வாகம் அறிவித்தது.

மூடப்பட்ட ஸ்டெர்லைட் ஆலையை திறக்க வேண்டும் என வலியுறுத்தி அங்கு பணிபுரிந்த தொழிலாளர்கள் மற்றும் ஒப்பந்த தொழிலாளர்கள் இன்று திடீரென போராட்டத்தில் ஈடுபட்டனர். அதன்படி ஆலை முன்பாக திரண்ட அவர்கள் அங்கு தரையில் அமர்ந்து தர்ணா போராட்டத்தில் ஈடுபட்டனர். இதில் ஏராளமானோர் கலந்து கொண்டனர்.

போராட்டத்தில் ஈடுபட்ட தொழிலாளர்கள் ஸ்டெர்லைட் ஆலையால் ஏராளமானோர் நேரடியாகவும், மறைமுகமாகவும் வேலைவாய்ப்பு பெற்று வருகின்றனர். இதில் பணிபுரிபவர்களுக்கு மாற்று தொழில் தெரியாது.

ஆலை மூடப்பட்டுள்ளதால் எங்களது வாழ்வாதாரம் பாதிக்கப்பட்டுள்ளது. எனவே ஆலையை உடனடியாக திறக்க வேண்டும் என கூறினார்கள். தொழிலாளர்களின் போராட்டம் குறித்து தகவல் கிடைத்து ஸ்டெர்லைட்டுக்கு எதிராக போராடும் கிராம மக்கள் அங்கு வருவார்கள் என போலீசாருக்கு தகவல் கிடைத்தது.

இதையடுத்து ஸ்டெர்லைட் ஆலை முன்பு ஏராளமான போலீசார் பாதுகாப்புக்கு நிறுத்தப்பட்டுள்ளார்கள். இதனால் அங்கு பரபரப்பு ஏற்பட்டுள்ளது. #BanSterlite #TalkAboutSterlite