கடும் அமளிக்கிடையே சட்டசபையில் ஜி.எஸ்.டி. மசோதா தாக்கல்

* மதுபானங்களின் வழங்குதலை தவிர்த்து மாநிலத்துக்குள் சரக்குகள் மற்றும் சேவைகளுக்கான வரி 20 சதவீதத்துக்கு மேற்படாமல் ஒரே மாதிரியான வரி விதித்தல்.

* கச்சா பெட்ரோலியம், அதிவேக டீசல், மோட்டார் ஸ்பிரிட், இயற்கை எரிவாயு, வானுர்தி எந்திர எரிபொருள் ஆகிய சரக்குகளின் விற்பனை வரி மற்றும் சேவை வரி விதிப்பதற்கு மாநில அரசு எந்த தேதி பரிந்துரை செய்கிறதோ அதுவரை 2006-ம் ஆண்டு தமிழ்நாடு மதிப்பு கூட்டு வரி சட்டத்தின்படி தொடர்ந்து வரி விதித்தல்.

* சட்டமன்றத்தின் அறிக்கையின் வாயிலாக அல்லது தனி ஆணையின் செயலாக வரிவிலக்கு அளிப்பதற்கு மாநில அரசுக்கு அதிகாரம் அளித்தல்.

* வணிகத்தின்போது, அல்லது வணிக நடவடிக்கையின்போது பயன்படுத்தப்பட்ட சரக்குகள் அல்லது சேவை வரிகளை பரவலாக கிடைக்கச் செய்தல்.

* சரக்கு அல்லது சேவைகளை வழங்குவோர்களுக்கு அவர்களுடைய வலைதள முகவரி மூலமாக பணம் செலுத்துபவர்களுக்கு நிகர மதிப்பில் ஒரு சதவீதத்துக்கு மேற்படாத வகையில் வரி வசூலிக்க உத்தரவிடுதல்.

* பதிவு பெற்ற ஒருவரால் செலுத்த வேண்டிய வரி களை சுய கணிப்பு செய்வதற்கும், தற்காலிக மற்றும் நியாயமான முறையில் ஆய்வு செய்து வரி விதிப்பதற்கு வகை செய்தல்.

* இந்த சட்டவரை முறைகளை மீறுபவர்களுக்கு தண்டனை வழங்க வகை செய்தல்.

* அலுவலர்களுக்கு ஆய்வு செய்தல், சோதனை செய்தல், கைப்பற்றுதல் மற்றும் கைது செய்வதற்கு அதிகாரம் வழங்குதல்.

* சரக்கு மற்றும் சேவை வரி துறைக்கு தற்போது உள்ள வரி செலுத்துவோரை சீராக மாற்றம் செய்வதற்கு விரிவான மாறுதல் கால அவகாசம் வழங்குதல்.

* மாநில வரி அலுவலர்களுக்கு ஆணைகளோ, அறிவுறுத்தல்களோ அல்லது உத்தரவு பிறப்பிப்பதற்கு ஆணையருக்கு உத்தரவு வழங்க அதிகாரம் வழங்குதல் உள்பட பல்வேறு அம்சங்கள் இதில் இடம் பெற்றுள்ளன.