21-ந்தேதி போலீஸ் வேலைக்கான எழுத்து தேர்வு: திருப்பூர் மாவட்டத்தில் 8 ஆயிரத்து 120 பேர் எழுதுகிறார்கள்

ஏற்றுக்கொள்ளப்பட்ட விண்ணப்பதாரர்களின் புகைப்படத்துடன் கூடிய அழைப்பு ஆணை தமிழ்நாடு சீருடை பணியாளர் தேர்வு வாரியத்தால் இணையதளத்தில் வெளியிடப்பட்டுள்ளது. எழுத்து தேர்வில் கலந்து கொள்பவர்கள் தங்களின் புகைப்படத்துடன் கூடிய அழைப்பாணையை பதிவிறக்கம் செய்து கொண்டு வரவேண்டும். இந்த அழைப்பாணையில் புகைப்படம் இல்லாவிட்டால் அதில் புகைப்படம் ஒட்டி அரசிதழ் பதிவு பெற்ற அதிகாரியிடம் கையெழுத்து பெற்று தேர்வு மையத்திற்கு எடுத்து வரவேண்டும்.

அழைப்பாணை இல்லாதவர்கள் தேர்வு மையத்திற்குள் அனுமதிக்கப்படமாட்டார்கள். எழுத்து தேர்வுக்கு வருபவர்கள் பரீட்சை அட்டை கொண்டு வர வேண்டும். நீலம் அல்லது கருப்பு பால் பாயிண்ட் பேனா உபயோகித்தல் வேண்டும். எழுத்து தேர்விற்கு பென்சில் மற்றும் இதர எழுதுகோல்களை உபயோகித்தல் கூடாது. தேர்வு மையத்தினுள் செல்போன், கால்குலேட்டர், ப்ளுடூத் போன்ற மின்சாதன பொருட்கள் கொண்டு செல்ல தடை விதிப்பட்டுள்ளது.