ஏழைகளின் வியர்வையை தங்க கரண்டியுடன் பிறந்தவர்கள் கேலி செய்வதா?: ராகுல் மீது மோடி பாய்ச்சல்

குஜராத் மீது உங்களுக்கு (காங்கிரஸ்) எப்போதுமே காழ்ப்புணர்ச்சி உண்டு. சர்தார் வல்லபாய் பட்டேலையும், மொரார்ஜி தேசாயையும் நீங்கள் எப்படி நடத்தினீர்கள் என்பது மக்களுக்கு தெரியும். இப்போது உங்களுக்கு இந்த மோடிதான் இலக்கு. அந்த வெறுப்புணர்வில் குஜராத்தை சேர்ந்த ஒருவனின் நெற்றியில் வழியும் வியர்வை உங்களுக்கு அசவுகரியமாகப்படுகிறது.

பிறக்கும்போதே கையில் தங்க கரண்டியுடன் அரச குடும்பத்தில் பிறந்தவர்களுக்கு எங்களது வியர்வையின் உண்மையான மதிப்பு என்னவென்று புரியாது. வறுமை அல்லது வறுமையுடன் ஒட்டியுள்ள வேதனை என்னவென்று அறியாதவர்கள் இப்போது நமக்கு போதனை செய்கிறார்கள்.

குஜராத் மக்களில் மகாத்மா காந்தி காட்டிய பாதையில் துறவியாக வாழ்பவர்களும் இருக்கிறார்கள். இன்னொரு பக்கம், அரச குடும்பத்தை சேர்ந்த இன்னொரு காந்தியின் வழிதோன்றல்களும் இருக்கிறார்கள். துறவி காட்டிய பாதையில் நடப்பதா? அல்லது, தங்க கரண்டியுடன் பிறந்தவர்கள் பாதையில் நடப்பதா? என்பதை நாம்தான் தீர்மானிக்க வேண்டும்.

இவ்வாறு அவர் பேசினார்.