திருவண்ணாமலை ரெயில் நிலையத்தில் தலைமை ஆசிரியையிடம் 50 பவுன் நகை திருட்டு

இந்த நிலையில் கடந்த 2 நாட்களுக்கு முன்பு பள்ளியில் நடந்த விழாவில் கலந்து கொள்வதற்காக குடியாத்தத்தில் இருந்து சங்கிலி, ஆரம், மோதிரம் என சுமார் 50 பவுன் நகைகளை திருவண்ணாமலைக்கு கொண்டு வந்து உள்ளார். பள்ளியில் விழா முடிந்த நிலையில் தொடர்ந்து 3 நாட்கள் பள்ளி விடுமுறை என்பதால் நேற்று மாலை வேலை முடிந்த பிறகு ரேவதி தனது குழந்தையுடன் வீட்டில் இருந்து புறப்பட்டு திருவண்ணாமலை ரெயில் நிலையத்திற்கு சென்றார்.

கையில் இருந்த ஒரு கைப்பையில் அவர் 50 பவுன் நகைகளை வைத்திருந்ததாக கூறப்படுகிறது. ரெயில் நிலையத்திற்கு வந்த அவர் காட்பாடி செல்வதற்கு ரெயில் நிலையத்தில் டிக்கெட் எடுத்துவிட்டு ரெயில் வந்தவுடன் ரெயிலில் ஏறுவதற்கு தயாராக இருந்தார். மாலை 6.30 மணியளவில் ரெயில் நிலையத்திற்கு விழுப்புரத்தில் இருந்து திருப்பதி நோக்கி செல்லும் பயணிகள் ரெயில் வந்தது.