திருவள்ளூர் மாவட்டத்தில் போலீஸ் பணிக்கு நாளை எழுத்து தேர்வு

தமிழக போலீஸ் துறையில் காலியாக உள்ள 2-ம் நிலை காவலர், 2-ம் நிலை சிறைகாவலர் மற்றும் தீயணைப்புத்துறை வீரர் பணியிடங்களுக்கு தமிழ்நாடு சீருடை பணியாளர் தேர்வு வாரியம் வாயிலாக தேர்வு செய்யப்பட உள்ளன. இது தொடர்பான எழுத்து தேர்வு திருவள்ளூர் மாவட்டத்தில் நாளை நடைபெறுகிறது.

வேப்பம்பட்டு ஸ்ரீராம் கல்வி நிறுவனத்தில் 3440 பேரும், அரன்வாயில் பிரத்யுஷா பொறியியல் கல்லூரியில் 2600 பேரும், காக்களூர் சி.சி.சி. இந்து மெட்ரிகுலே‌ஷன் மேல்நிலை பள்ளியில் 1300 பேரும், திருவள்ளூர் ஆர்.எம் ஜெயின் பள்ளியில் 1080 பேரும், ஸ்ரீ நிகேதன் பள்ளியில் 1420 பேரும், திருப்பாசசூர் ஸ்ரீ வெங்கடேஸ்வரா பொறியியல் மற்றும் தொழில்நுட்ப கல்லூரியில் 1620 பேரும், பாண்டூர் இந்திரா பொறியியல் மற்றும் தொழில்நுட்பக் கல்லூரியில் 1400 பேரும், கொழுந்தலூர் ஸ்ரீவெங்கடேஸ்வரா அறிவியல் மற்றும் தொழில்நுட்ப பொறியியல் கல்லூரியில் 960 பேரும், டி ஆர் பி சி சி சி மேல்நிலை பள்ளியில் 804 பேரும் சேர்த்து 14 ஆயிரத்து 624 பேர் 9 மையங்களில் இந்த தேர்வை எழுதுகின்றனர்.