கெஜ்ரிவால் கட்சி வெற்றிபெற பிரசாந்த் கிஷோர் கொடுத்த ஒரே அறிவுரை

நேற்று பிற்பகலில் ஆம் ஆத்மி கட்சி அலுவலகத்துக்கு பிரசாந்த் கிஷோர் வருகை தந்தார். அங்கிருந்த கெஜ்ரிவாலுக்கு அவர் வாழ்த்துக்களை தெரிவித்தார். இருவரும் ஒருவரை ஒருவர் கட்டிப்பிடித்து அன்பை பரிமாறிக்கொண்டனர்.

டெல்லி சட்டசபை தேர்தல் வெற்றிக்கு பிரசாந்த் கிஷோர் உதவியது, கெஜ்ரிவாலுக்காக பிரசார யுக்திகளையும் வகுத்து கொடுத்துள்ளார். இதற்கான ஒப்பந்தத்தில் பிரசாந்த் கிஷோர் கையெழுத்திட்ட போது ஒரே ஒரு அறிவுரை மட்டும் வழங்கி உள்ளார். அதாவது எதிர்க்கட்சிகளுடன் மோதல் மனப்பான்மையை கைவிட வேண்டும் என்று பிரசாந்த் கிஷோர் அரவிந்த் கெஜ்ரிவாலுக்கு அறிவுறுத்தி உள்ளார். இந்த அறிவுரையே ஆம் ஆத்மி கட்சிக்கு வெற்றியை தேடித்தந்ததாக அரசியல் வட்டாரங்கள் தெரிவித்தன.