தஞ்சை-கும்பகோணத்தில் போக்குவரத்து தொழிற்சங்கத்தினர் காத்திருப்பு போராட்டம்

இதுகுறித்து அமைச்சர்கள் தலைமையில் நடந்த பேச்சுவார்த்தையில் பிரச்சனைகளை பேசி தீர்ப்பது என்றும், ஓய்வூதியர்களின் நிலுவை தொகையை முழுமையாக வழங்குவது என்றும் ஒப்புக் கொள்ளப்பட்டது. ஆனால் இந்த வாக்குறுதிகள் இதுவரை நிறைவேற்றாததால் தொழிலாளர்கள் வேதனை அடைந்துள்ளனர்.

இந்த கோரிக்கைகளை போக்குவரத்து அனைத்து தொழிற்சங்கத்தினர் சார்பில் இன்றும், நாளையும் (14,15-ந் தேதிகளில்) மண்டல போக்குவரத்து கழக அலுவலகங்களில் காத்திருப்பு போராட்டம் நடைபெறும் என அறிவிக்கப்பட்டு இருந்தது. அதன்படி கும்பகோணம் தலைமை போக்குவரத்து கழக அலுவலக வளாகத்தில் இன்று காலை 10 மணிக்கு போக்குவரத்து தொழிற்சங்கத்தினர் காத்திருப்பு போராட்டத்தை தொடங்கினர். சுமார் 200-க்கும் மேற்பட்ட டிரைவர்கள், கண்டக்டர்கள், பணியாளர்கள் கலந்து கொண்டனர். முன்னதாக பணிமனை வாயில் முன்பு அவர்கள் கோ‌ஷங்களை எழுப்பியப்படி ஆர்ப்பாட்டம் செய்தனர்.