பா.ஜ.க, காங்கிரஸ் அல்லாத மூன்றாவது அணிக்கு தொடக்கநாள் குறித்த சந்திரசேகர் ராவ்

ஐதராபாத்:

பாராளுமன்றத்துக்கு அடுத்த ஆண்டின் தொடக்கத்தில் தேர்தல் நடைபெற இருக்கிறது. அதற்கு முன்னதாக காங்கிரஸ் மற்றும் பா.ஜனதா கட்சிகளுக்கு மாற்றாக தேசிய அளவில் புதிய அணி ஒன்றை உருவாக்க தெலுங்கானா ராஷ்டிர சமிதி தலைவரும், தெலுங்கானா முதல்வருமான சந்திரசேகர ராவ் திட்டமிட்டு உள்ளார். இது தொடர்பாக ஒருமித்த கருத்து கொண்ட கட்சிகளின் தலைவர்களை தொடர்பு கொண்டு பேசி வருவதாக அவர் தெரிவித்திருந்தார்.

அவரது இந்த முயற்சிக்கு திரிணாமுல் காங்கிரஸ் தலைவரும் மேற்கு வங்காள முதல்வருமான மம்தா பானர்ஜி, ஜார்கண்ட் முன்னாள் முதல்வரும் ஜார்கண்ட் முக்தி மோர்ச்சா கட்சியின் தலைவருமான ஹேமந்த் சோரன், ஐதராபாத் எம்.பி.யும், அனைத்திந்திய மஜ்லிஸ் இ இத்திஹாதுல் முஸ்லிமீன் (ஏ.ஐ.எம்.ஐ.எம்.) கட்சியின் தலைவருமான ஒவைசி மற்றும் மகாராஷ்டிர மாநிலத்தைச் சேர்ந்த இரு எம்.பி.க்கள் ஆதரவு தெரிவித்து உள்ளனர்.