ஓசோன் மாசுபாட்டில் மோசமான நிலை - முதலிடத்தில் சென்னை மணலி

தொழிற்பேட்டை

அந்த வகையில் மத்திய மாசு கட்டுப்பாட்டு வாரியம் வெளியிட்டுள்ள தரவுகளின்படி, கடந்த மே 19-ந்தேதி சென்னை மணலி பகுதியில் ஒரு கன மீட்டர் காற்றில் 500 மைக்ரோகிராம் என்ற அளவில் ஓசோன் மூலக்கூறுகள் பதிவாகியுள்ளது. இது இந்த ஆண்டு நாட்டிலேயே பதிவான மிக உயர்ந்த காற்றுமாசு அளவாகும்.

மற்றொரு காற்றுத் தர கண்காணிப்பு நிலையத்தின் பதிவுகளிலும், கடந்த மே 3-ந்தேதி மணலி பகுதியில் காற்றில் 361 மைக்ரோகிராம் அளவில் ஓசோன் மூலக்கூறுகள் பதிவாகியுள்ளது. இதன் மூலம் வடசென்னையில் உள்ள தொழிற்பேட்டை பகுதி, நாட்டின் மிக மோசமான ஓசோன் மாசுபாடு மையங்களில் ஒன்றாக இருப்பது தெரியவந்துள்ளது.

மணலி பகுதியில் பெட்ரோலிய ரசாயன பொருட்கள் தொழிற்சாலைகள், எண்ணெய் சுத்திகரிப்பு ஆலைகள், உரத் தொழிற்சாலைகள் மற்றும் அனல்மின் நிலையங்கள் அதிக அளவில் செயல்பட்டு வருகின்றன என்பது குறிப்பிடத்தக்கது.

இது குறித்து எரிசக்தி மற்றும் தூய காற்று ஆராய்ச்சி மையத்தின் உயர் அதிகாரி ஒருவர் கூறும்போது, "கடந்த மே மாதத்தில் மட்டும் 24 நாட்களில் மணலியில் ஓசோன் அளவு தேசிய காற்றுத் தர அளவுகோலை மீறியுள்ளது. 8 மணி நேர சராசரி அடிப்படையில், நிர்ணயிக்கப்பட்டு உள்ள கனமீட்டரில் 100 மைக்ரோகிராம் என்ற தேசிய தரநிலையை இந்த அளவுகள் தாண்டியுள்ளன என்றார்.