இறால் பதப்படுத்தும் தொழிற்சாலையில் அமோனியா அகற்றும் பணி தொடக்கம்

அமோனியா வாயு அகற்றம்

இந்நிலையில், இறால் பதப்படுத்தும் ஆலையில் இருந்து அமோனியா வாயுவை அகற்றும் பணி தொடங்கியது. வாயு அகற்றும் பணிகள் நடைபெறுவதால் தொழிற்சாலையை சுற்றிலும் பலத்த பாதுகாப்பு போடப்பட்டுள்ளது. அமோனியா வாயு அகற்றும் பணிகளை மாவட்ட ஆட்சியர் கவிதா நேரில் ஆய்வு செய்தார்.

இதுதொடர்பாக ஆட்சியர் கவிதா கூறுகையில், மக்கள் யாரும் பீதியடைய வேண்டாம். தொழிற்சாலையில் உள்ள அம்மோனியா பாதுகாப்பான முறையில் அகற்றப்படுகிறது என்று தெரிவித்தார்.

500 மீட்டர்தடை செய்யப்பட்ட பகுதி

தொழிற்சாலையை சுற்றியுள்ள 500 மீட்டர் பரப்பளவு தடை செய்யப்பட்ட பகுதியாக அறிவிக்கப்பட்டுள்ளது.

தொழிற்சாலையை ஒட்டியுள்ள 300 மீட்டர் சுற்றளவில் உள்ள தொழிற்சாலைகள், கடைகள், பள்ளிகள் மற்றும் குடியிருப்புகளில் வசிக்கும் பொதுமக்கள் பாதுகாப்பான இடங்களுக்கு அப்புறப்படுத்தப்பட்டனர். மேலும் அசம்பாவிதங்களை தடுக்கும் விதமாக ஜளப்பன்சத்திரம் கூட்டுச்சாலையில் இருந்து பெரியபாளையம் வரை நெடுஞ்சாலையில் போக்குவரத்து மாற்றம் செய்யப்பட்டு, வாகனங்கள் மாற்றுப்பாதையில் இயக்க போலீசார் நடவடிக்கை எடுத்துள்ளனர்.