திருச்சியில் அதிர்ச்சி சம்பவம்: போதை ஊசி செலுத்தி காதலனுடன் உல்லாசமாக இருந்த காதலி மரணம்

காதலன்-நண்பர் கைது

இது குறித்த தகவல் அறிந்ததும் திருச்சி கண்டோன்மெண்ட் போலீசார் யாஸ்மின் உடலை கைப்பற்றி பிரேத பரிசோதனைக்காக அனுப்பி வைத்தனர். மேலும் அவர் எப்படி இறந்தார் என்று போலீசார் விசாரணை நடத்தினர்.

விசாரணையில், சதாம் உசேன் தனது காதலிக்கு போதை மாத்திரையை கரைத்து ஊசி மூலம் செலுத்தி உல்லாசமாக இருந்தது தெரிய வந்தது.

அதிக போதை

அளவுக்கு அதிகமான போதை மருந்து காரணமாக உடல்நிலை பாதிக்கப்பட்டு யாஸ்மின் உயிரிழந்ததும் தெரியவந்துள்ளது. இதையடுத்து கடத்தல் மற்றும் சந்தேக மரணம் ஆகிய பிரிவுகளின் கீழ் சதாம் உசேன் மற்றும் அவருக்கு உதவிய அவரது நண்பர் ஷேக் அப்துல்லா ஆகிய 2பேர் மீதும் போலீசார் வழக்கு பதிந்து கைது செய்தனர். அவர்கள் பயன்படுத்திய போதை மாத்திரைகள், ஊசிகளை லாட்ஜில் இருந்து பறிமுதல் செய்தனர்.

உயிரிழந்த யாஸ்மினுக்கும், சதாம் உசேனுக்கும் கடந்த 4 ஆண்டுகளுக்கு முன்பே பழக்கம் ஏற்பட்டு உள்ளது. கடந்த 2 ஆண்டுகளுக்கு முன்பு மைனராக இருக்கும்போதே காதலன் சதாம் உசேன், யாஸ்மினுக்கு பாலியல் தொல்லை கொடுத்துள்ளார்.

போக்சோ வழக்கு

இது பற்றி அவரது தாயார் ஷகிலா பேகம் போலீசில் கொடுத்த புகாரின் அடிப்படையில், சதாம் உசேனை போலீசார் போக்சோ சட்டத்தின் கீழ் கைது செய்துள்ளனர். பின்னர் காதலன் பிடியில் இருந்து மீட்கப்பட்ட யாஸ்மினை காப்பகத்துக்கு அனுப்பி வைத்துள்ளனர்.