சட்டசபைக்கு எதிர்க்கட்சித் தலைவர் உதயநிதி ஸ்டாலின் வருகை.
தொடங்கியது சட்டசபை- எதிர்க்கட்சி தலைவர் உதயநிதி ஸ்டாலின் உரை
அத்தியாவசிய பொருட்களின் விலை உயர்வு தொடர்பாக சபையில் கவன ஈர்ப்பு தீர்மானம் கொண்டு வந்தார் எதிர்க்கட்சி தலைவர் உதயநிதி ஸ்டாலின்
த.வெ.க. அரசு அமைந்தது முதல் அத்தியாவசிய பொருட்கள் விலை கடுமையாக உயர்ந்துள்ளது- உதயநிதி ஸ்டாலின்
துவரம் பருப்பு, அரிசி, சர்க்கரை, எண்ணெய் விலைவாசி உயர்வால மக்கள் அவதி- உதயநிதி ஸ்டாலின்
வறட்சி காரணமாக வெளி மாநிலங்களில் இருந்து வந்த அரிசியின் வரத்தும் குறைந்ததால் விலை உயர்வு- எடப்பாடி பழனிசாமி
அன்றாடம் பயன்படுத்தும் பொருட்களின் விலைவாசி 30 முதல் 40 சதவீதம் வரை உயர்ந்துள்ளது- பாமக எம்எல்ஏ கணேஷ்குமார்
பண்டிகை காலங்களில் மளிகை பொருள் தொகுப்பு தருவதை போல் ரேஷனில் தற்போதும் வழங்க வேண்டும்- தாரகை கத்பட்
பண்டிகை காலம் வருவதால் அத்தியாவசிய பொருட்களும் ரேஷன் கடை மூலம் வழங்க வேண்டும்- சிபிஐ எம்எல்ஏ ராமச்சந்திரன்
எரிபொருள் விலை உயரும் நேரத்தில் மளிகை பொருட்கள் பதுக்கல், அதனால் விலை உயர்வு சாதாரணம்- சிபிஎம் எம்எல்ஏ செல்லசாமி
ஈரான் போர், எரிபொருள் விலை உயர்வால் தான் விலைவாசி பொருட்களும் விலை உயர்ந்துள்ளது- அமைச்சர் வெங்கட்ரமணன்
வெங்காயம் உள்ளிட்ட 41 பொருட்களுக்கான விலையை தினமும் கவனித்து வருகிறோம்- அமைச்சர் வெங்கட்ரமணன்
உணவுத்துறை அமைத்து கண்காணித்து வரும் நிலையில் விலை அதிகமாக உள்ள பொருளை அரசு விற்பனை செய்ய நடவடிக்கை- அமைச்சர் வெங்கட்ரமணன்
கடந்த ஆட்சிகளில் நடந்தது போல் ரேஷன் கடை மூலம் மட்டுமல்ல பசுமை அங்காடி மூலமும் பொருட்கள் வழங்க நடவடிக்கை அமைச்சர் வெங்கட்ரமணன்
அத்தியாவசிய பொருட்களின் விலைவாசி உயர்வை கட்டுப்படுத்துவது குறித்து தீவிர ஆலோசனை- அமைச்சர் வெங்கட்ரமணன்
பருவமழைக்கு முன்னதாக சென்னையில் மழைநீர் கால்வாய்கள் தூர்வாருவதற்கு ஒப்பந்ததாரர்களுக்கு நிதிவிடுவிக்கவில்லை- சேகர்பாபு
இந்தாண்டு மழைப்பொழிவு கூடுதலாக இருக்கும் என கணிக்கப்பட்டுள்ள நிலையில் முன்னெச்சரிக்கை நடவடிக்கை தேவை- சேகர்பாபு
பிற்படுத்தப்பட்டோர் நலத்துறை மீதான மானிய கோரிக்கை- அமைச்சர் சம்பத்குமார் பதிலுரை அளித்து வருகிறார்.
மக்கள் நலன் என்று கூறி தன் மக்கள் நலனை மட்டும் பார்த்தனர் என எம்ஜிஆர் பாடல் பாடி அமைச்சர் சம்பத்குமார் உரை
பிற்படுத்தப்பட்டோர் நலத்துறைக்கும் அமைச்சர் பாடிய எம்ஜிஆர் பாடலுக்கும் என்ன சம்பந்தம் என தெரியவில்லை- கே.என்.நேரு
விஜய் தமிழ்நாடு முதலமைச்சராவார் என 12 ஆண்டுகளுக்கு மு ன்பே கணித்தவர் அமைச்சர் ஆனந்த்- அமைச்சர் சம்பத்குமார்
திறமை இருந்தும் வாய்ப்பு இல்லாத நிலை இருக்க கூடாது, வாய்ப்பு கிடைத்தால் எந்த சமூகமும் உயரும்- அமைச்சர் சம்பத்குமார்
ஒரு தலைமுறையை மாற்ற வேண்டுமென்றால் அந்த தலைமுறைக்கு கல்வியை கொடுக்க வேண்டும்- அமைச்சர் சம்பத்குமார்
5 லட்சம் மாணவர்களுக்கு நவீன மிதிவண்டி வழங்குவதற்கு 11 உறுப்பினர்கள் கொண்ட குழு அமைப்பு- அமைச்சர் சம்பத்குமார்
விடுதிகளில் காலி பணியிடங்கள் ஆசிரியர் தேர்வாணையம் மூலம் பூர்த்தி செய்ய நடவடிக்கை- அமைச்சர் சம்பத்குமார்
பிளஸ் 1 மாணவர்களுக்கான ஹெல்மெட், குடிநீர் பாட்டிலுடன் நவீன சைக்கிள் வழங்க ரூ.277 கோடி நிதி ஒதுக்கீடு- அமைச்சர்
மாதந்தோறும் விடுதியில் ஆய்வு நடைபெறுகிறது, மாணவர் விடுதிகளை அதிகாரிகள் பார்வையிட்டு ஆய்வு செய்ய அனுமதி- அமைச்சர்
575 விடுதிகளில் கண்காணிப்பு கேமராமக்கள் பொருத்தப்பட்டுள்ளன- அமைச்சர் சம்பத்குமார்
கனவுகளுடன் விடுதியில் தங்கி பயிலும் மாணவர்களுக்கான அனைத்து வசதியும் செய்து கொடுக்க முதலமைச்சர் அறிவுறுத்தினார்- அமைச்சர்
விடுதியை ஆய்வு செய்தபோது மாணவர்களுடன் உரையாடிய முதலமைச்சர் எங்களை அழைத்து அறிவுறுத்தினார்- அமைச்சர்
வன்னியர் இடஒதுக்கீடு- சட்டசபையில் வாக்குவாதம்
வன்னியர்களுக்கான 10.5% ஒதுக்கீட்டுக்கு எதிராக ஸ்டாலினின் உறவினர் வழக்கு தொடுத்து முட்டுக்கட்டை போட்டனர்-சிவி சண்முகம்
வன்னியர்களுக்கு இடஒதுக்கீடுக்கு முட்டுக்கட்டை என சிவி சண்முகம் நேற்று பேரவையில் பேசியது தவறு- எம்ஆர்கே பன்னீர்செல்வம்
வன்னியருக்கான இடஒதுக்கீடு தொடர்பாக சிவி சண்முகம் கூறிய குற்றச்சாட்டுக்கு ஆதாரம் கொடுக்க வேண்டும்- எம்ஆர்கே பன்னீர்செல்வம்
10.5% ஒதுக்கீட்டை வழங்கக்கூடாது என 2021-ல் நடந்த சபையில் தீர்மானம், ஸ்டாலின் உறவினர் வழக்கு தொடர்ந்தார்-சிவி சண்முகம்
வன்னியர் இடஒதுக்கீட்டுக்கு எதிராக வழக்கு தொடர்ந்து முட்டுக்கட்டை போட்டதாக சிவி சண்முகம் பேசியதற்கு தி.மு.க.வினர் எதிர்ப்பு தெரிவித்தனர்.
வன்னியருக்கான உள்இடஒதுக்கீடு கேட்டு நீண்ட நாட்களாக வன்னியர் சங்கத்தினர் போராடி வருகின்றனர்- எடப்பாடி பழனிசாமி
சட்டமன்ற தேர்தலில் தனது வெற்றிக்கு உழைத்த முக ஸ்டாலின், உதயநிதிக்கு நன்றி- சிறுபான்மை நலத்துறை அமைச்சர் ஷாஜகான்
ஒரு கையில் குர்ஆனையும் மறு கையில் அரசியலமைப்பை தாங்கிப் பிடியுங்கள் எங்களை வழிநடத்தியவர் காதர் மொய்தீன்- அமைச்சர் ஷாஜகான்
IUML அலுவலகத்துக்கு வந்த முதல் முதலமைச்சர் விஜய் தான். முதலமைச்சர் விஜய் தலைமையிலான ஆட்சி நல்ல திசை நோக்கி செல்கிறது- அமைச்சர் ஷாஜகான்
அமைச்சர் ஷாஜகான் குறித்து தமிமுன் அன்சாரி பேசிய பேச்சு அமளி ஏற்பட்டது.
தேவையற்ற வார்த்தைகளை பேசாமல் இருந்தால் தேவையற்ற விவாதங்களை தவிர்க்கலாம்- அமைச்சர் நிர்மல்குமார்
எந்த துறை சார்ந்த அமைச்சர் பதலளிக்க வேண்டுமோ அவருக்குத்தான் சட்டசபை விவாதத்தில் முன்னுரிமை அளிக்கப்படும்- சபாநாயகர்
யாரால் வென்றோம் என திமுகவை குறிப்பிட்டு அமைச்சர் ஷாஜகான் பேசியதே நன்றி உணர்வுதானே- சபாநாயகர்
திமுகவும் அதிமுகவும் சேர்ந்து ஆட்சியமைக்க முயன்றதால் கூட்டணியில் இருந்து வெளியேறியதாக காதர் மொய்தீன் கூறினார்- நிர்மல்குமார்
திமுக கூட்டணியில் இருந்து ஐயூஎம்எல் நன்றி கெட்டத்தனமாக வெளியே வரவில்லை- அமைச்சர் நிர்மல்குமார்
கலைஞர் மஞ்சள் துண்டு அணிந்தது குறித்து அமைச்சர் ஒருவர் சபையில் பேசியிருந்தார். இடஒதுக்கீடு வழங்கியதற்காக கலைஞர் கருணாநிதிக்கு ராமதாஸ் மஞ்சள் துண்டு அணிவித்தார். பாராட்டு விழா நடத்தி அந்த மேடையிலேயே கலைஞருக்கு மஞ்சள் துண்டு அணிவித்தார் ராமதாஸ். 10.5 சதவீத இடஒதுக்கீட்டுக்கும் சாதிவாரி கணக்கெடுப்புக்கும் தொடர்பில்லை- பாமக எம்எல்ஏ கணேஷ்குமார்.
மத்திய அரசின் மக்கள் தொகை கணக்கெடுப்புக்கு பின் சமூகநீதி கணக்கெடுப்பு நடத்தப்படும்- அமைச்சர் சம்பத்குமார் அறிவிப்பு
நன்றி சொல்ல தகுதியில்லை என தமிமுன் அன்சாரியை பார்த்து எப்படி கூற முடியும்? என அமைச்சர் ஷாஜகானுக்கு கே.என்.நேரு கேள்வி எழுப்பினார்.
நன்றி சொல்லியிருக்க வேண்டும் என்று தான் கூறினாரே தவிர வேறு தவறாக கூறவில்லை- அமைச்சர் செங்கோட்டையன்
பேரவையில் இன்று நான் பேசுவது கன்னி உரையல்ல, வன்னி உரை- சமூகநீதி துறை மானியக்கோரிக்கை விவாதங்கள் மீதான உரையை தொடங்கிய அமைச்சர் வன்னி அரசு
என்னை கைது செய்ய வேண்டும் என முழக்கமிட்டப்பட்ட அதே சபையில் என்னை அமரவைத்து அழகு பார்த்திருக்கிறார் திருமாவளவன்- வன்னி அரசு
எனது வெற்றியை விட வன்னி அரசுவின் வெற்றிதான் முக்கியமானது என எனக்காக தேர்தல் பிரசாரத்தை மேற்கொண்ட உதயநிதிக்கு நன்றி- வன்னி அரசு
தமிழ்நாட்டின் முக்கிய ஊடகங்கள், பத்திரிகைகளின் பெயர்களை குறிப்பிட்ட சட்டசபையில் நன்றி தெரிவத்தார் அமைச்சர் வன்னி அரசு
எனது தேர்தல் வெற்றிக்காக உழைத்த பாமக நிர்வாகிகளுக்கும் எனது நன்றிகள்- அமைச்சர் வன்னி அரசு
சாதி ஒழிப்பு களத்தில் விடுதலை சிறுத்தைகள் கட்சி தொடர்ந்து செயல்பட்டு வருகிறது- அமைச்சர் வன்னி அரசு
தமிழ்த்தேசிய பேரியக்கம் த.வெ.க. ஆட்சியில் இடம்பெற்றிருப்பது மிகப்பெரிய வரலாறு- அமைச்சர் வன்னி அரசு
அமைச்சர்கள் மானியக்கோரிக்கை மீது பேசுவார்கள் நாங்கள் பார்த்திருக்கிறோம், இன்று எங்களுக்கும் வாய்ப்பு கிடைத்துள்ளது- அமைச்சர் வன்னி அரசு
கூட்டணியில் வெற்றி கிடைக்கும் போது அது இருதரப்புக்கும் பொருந்தும், நாங்கள் நன்றி கூறிவிட்டோம்- அமைச்சர்
வெற்றி பெற்ற திமுகவினர் திருமாவளவனுக்கு நன்றி கூறவில்லை என அமைச்சர் வன்னி அரசு பேசினார்.
என் அரசியல் ஆசான் திருமாவளவன் தான் என ஏற்கனவே கூறியிருக்கிறேன்- உதயநிதி ஸ்டாலின்
திருமாவளவனுக்கும் எனக்கும் இருந்த உறவு அண்ணன் தம்பி போன்ற உறவு. திமுகவும், விசிகவும் தேர்தலுக்கான கூட்டணி மட்டுமின்றி கொள்கைக் கூட்டணியாக செயல்பட்டது - உதயநிதி ஸ்டாலின்
விசிக தலைவர் திருமாவளவனுக்கு நன்றி கூறுகிறேன் என உதயநிதி கூறியதம் முதன்முறையாக நன்றி கிடைத்துள்ளது என வன்னி அரசு மகிழ்ச்சி அடைந்தார்.
எங்கள் இலக்கு என்பது சமூகநீதி, சமத்துவம்; அதன் அடிப்படையில் தான் த.வெ.க. அமைச்சரவையில் பங்கு பெற்றுள்ளோம்- வன்னி அரசு
அமைச்சர் இருக்கையில் என்னை அமர வைத்த திருமா நாளையே அழைத்தாலும் போராட்டக்களத்திற்கு சென்றுவிடுவேன்- வன்னி அரசு
பதவி, பரிசுக்காக நாங்கள் அரசியலுக்கு வரவில்லை, நாங்கள் பதவிக்காக போனோம் என யாரும் சொல்ல முடியாது- வன்னி அரசு
புதிய சமூக நல்லிணக்க ஊராட்சி விருது வழங்கப்படும்- வன்னிஅரசு
ஏகனாபுரம் பகுதியில் புதிதாக ஒரு சமூக நல கூடம் கட்டித்தரப்படும்- அமைச்சர் வன்னி அரசு
சமத்துவ சுடுகாடு வைத்துள்ள ஊராட்சிக்கு ரூ.10 லட்சம் பரிசு வழங்கப்படும்-அமைச்சர் வன்னி அரசு
சாதிய பிரச்சனைகள் அதிகம் நடக்கும் கிராமங்கள் மீது சிறப்பு கவனம் செலுத்தப்படும்- அமைச்சர் வன்னி அரசு
எம்எல்ஏக்களுக்கு கார் கொடுத்து என்ன பயன்? முழு பயிர்க்கடன் தள்ளுபடி செய்ய முடியவில்லை, மக்கள் வாழ்வாதாரம் உயர்த்தாது எம்எல்ஏக்கு கார் தநந்து என்ன பயன்? என திமுக எம்எல்ஏ மார்கண்டேயன் கேள்வி எழுப்பினார்.
எம்எல்ஏக்கள் பல கார்கள் வைத்திருந்து பலன் இல்லை, கார் எடுத்துக் கொண்டு தொகுதிக்கு செல்ல வேண்டும்- அமைச்சர் நிர்மல்குமார்
தொகுதியை சுற்றி வந்து ஆய்வு மேற்கொள்ளவே எம்எல்ஏக்களுக்கு கார் கொடுக்கப்படுகிறது- அமைச்சர் நிர்மல்குமார்
கார் ரேஸ் ரூ.24 கோடியில் நடத்தினீர்கள், சட்டமன்ற உறுப்பினருக்கு கார் தருவதை கேள்வி கேட்கிறீர்களே நியாயமா? என அமைச்சர் செங்கோட்டையன் கேள்வி எழுப்பினார்.
சென்னை நகரத்திற்குள் இரவு நேரத்தில் முதன்முறையாக கார் ரேஸ் நடத்தி சாதித்து காட்டினோம்- உதயநிதி
நீங்கள் கார் ரேஸை கொச்சைப்படுத்தவில்லை, கார் ரேஸ் வீரர்களை கொச்சைப்படுத்துகிறீர்கள்- உதயநிதி ஆவேசம்
செஸ் போட்டிகளை போலத்தான் கார் ரேஸை விளையாட்டுத்துறை அமைச்சராக இருந்த உதயநிதி நடத்தினார்- கேஎன் நேரு
விளையாட்டு துறை அமைச்சராக செங்கோட்டையன் இருந்த போது ரூ.10 கோடியில் பதக்கம் கூட தராமல் இருந்தது ஏன்?. உங்களை போல் நாங்களும் ஒன்றுமே செய்யாமல் இருக்க வேண்டுமா என செங்கோட்டையனுக்கு கேஎன் நேரு கேள்வி எழுப்பினார்.
நிதியில்லை என்றால் கலைஞரின் பேனா சிலையை கடலில் வைக்க முயன்றது ஏன்?. நிதி பற்றாக்குறை என்று கூறித்தான் 24 மாதங்களாக மகளிர் உரிமைத்தொகை கொடுக்காமல் காலம் தாழ்த்தினீர்கள். இன்னொருத்தரை சார்ந்து இருக்கும் நிலையை தவிர்க்க தான் சட்டமன்ற உறுப்பினருக்கு கார் வழங்குகிறார் முதலமைச்சர் என அமைச்சர் அருண்ராஜ் தெரிவித்தார்.
கலைஞரின் சேவையைப் பாராட்டி தமிழ்நாட்டின் சிற்பி என பேனா சிலை அமைக்க எழுத்தாளர்கள் கோரிக்கை வைத்தனர். பொதுமக்கள் கருத்து கேட்டு மத்திய அரசின் அனுமதி பெற்றுத்தான் கலைஞர் பேனா சிலை அமைக்க நடவடிக்கை எடுத்தோம். தற்போதைய பொருளாதார நிலையில் கலைஞருக்கு பேனா சிலை வேண்டாம் என்று தான் மு.க.ஸ்டாலின் கூறினார்- எ.வ.வேலு
கலைஞருக்கு பேனா சிலை வைப்பதற்கு பல்வேறு எதிர்ப்புகள் இருந்தது, அதனால்தான் கைவிடப்பட்டது என்றும் சபாநாயகர் தெரிவித்தார்.
அனைத்து சகோதரர்களுக்கும் ரக்ஷா பந்தன் வாழ்த்துகள் எனக் கூறிய பிரேமலதாவுக்கு சபாநாயகர் நன்றி தெரிவித்தார்.
திருவள்ளூர் தொட்டா ரெட்டி குப்பத்தில் ஆசிட் ஊற்றி பெண் எரித்துக்கொன்றவர்களுக்கு தண்டனை வழங்க வேண்டும்- பிரேமலதா
திமுக ஆட்சியில் அலங்காநல்லூரில் ஜல்லிக்கட்டு மைதானத்தை கட்டியதற்கு பதிலாக அந்த தொகையை சர்க்கரை ஆலைக்கு வழங்கியிருக்கலாம்- தவெக MLA கருப்பையா
ஜல்லிக்கட்டு என்பது தமிழர்களின் பாரம்பரிய விளையாட்டு. அதனால் புதிய மைதானம் கட்டப்பட்டது - திமுக MLA எ.வ.வேலு
ஜல்லிக்கட்டு என்ன Gladiator போட்டியா? ஊருக்கு வெளியே கட்டிய மைதானத்தால் பிரயோஜனம் இல்லை - அமைச்சர் நிர்மல் குமார்
சட்டப்பேரவையில் அமைச்சர் விக்னேஷுக்கு பிறந்தநாள் வாழ்த்து தெரிவித்த சபாநாயகர் JCD பிரபாகர்.
அவை உறுப்பினர்கள் அனைவரது சார்பாக வாழ்த்துவதாக தெரிவித்த சபாநாயகருக்கு அமைச்சர் விக்னேஷ் நன்றி தெரிவித்தார்.
தவெக கொடுத்த தேர்தல் வாக்குறுதிகள் அனைத்தும் நிறைவேற்றப்படும் என அமைச்சர் விளக்கம்.
தவெக நிறைவேற்றாத வாக்குறுதிகளின் பட்டியலை எதிர்கட்சியினர் வாசித்த நிலையில் அமைச்சர் ஆனந்த் விளக்கம்.
ஆளும் அரசு செய்ய வேண்டியதை நினைவூட்டிக்கொண்டே இருப்பது தான் எதிர்கட்சிகளின் வேலை- கே.என்.நேரு
மக்கள் எங்கள் மீது நம்பிக்கை வைத்திருக்கிறார்கள், வாக்குறுதிகள் அனைத்தையும் முதலமைச்சர் அறிவிப்பாக வெளியிடுவார்- அமைச்சர் என்.ஆனந்த்
2016ல் தேர்தலில் நின்று ஒருவர் தோற்க, மக்கள் வாக்களிக்கவில்லையே என அவருடைய மகள், 2 நாட்களாக உண்ணாமல் கவலையில் இருந்தார். 2026ல் மீண்டும் அவர் தேர்தலில் நின்றார், திருமணமான அந்த பெண், ஓட்டளிக்க ஐதராபாத்தில் இருந்து வந்தார்.
யாருக்கு ஓட்டளித்தாய் என மகளிடம் அவர் கேட்ட போது, "அப்பா நீ ஜெயிச்சிடுவ, நான் உனக்கு ஓட்டு போடவில்லை, எங்க அண்ணனுக்காக விசில் சின்னத்தில் போட்டேன்" என்று அந்த மகள் கூறியுள்ளார். அந்த எம்எல்ஏ இந்த சபையில் இருக்கிறார்- அமைச்சர் என்.ஆனந்த்
வால்பாறை திமுக எம்எல்ஏ குட்டி என்கிற சுதாகர் பேசிக்கொண்டிருந்த போது, நேரம் கடப்பதை குறிக்கும் விதமாக மணி அடித்து சபாநாயகர் ஜேசிடி பிரபாகர் நினைவூட்டிய போது, "அய்யோ.. பெல் அடிக்காதீங்க, எனக்கு சாமி வந்துவிடும். நிறுத்து என்று சொல்லுங்கள் நிறுத்திவிடுகிறேன்" என அவர் கூற, திமுகவினர் சிரிக்க, "உண்மை தான், எனக்கு சாமி வந்துவிடும், இதோ பாருங்க, எனக்கு இப்போதே ஒரு மாதிரி ஆகிறது" என்று தன் தோற்றத்தை அவர்களிடம் காண்பித்தார்.
என் கோரிக்கைகளை சொல்ல நேரம் கொடுங்கள், அதையெல்லாம் நான் சொல்லாவிட்டால் மக்கள் என்னை அடித்து விடுவார்கள். அனைத்தையும் சொல்லாமல், நீ வரக்கூடாது என்று மக்கள் கூறிவிட்டார்கள். 760 கி.மீ., தூரத்தில் இருந்து வந்திருக்கிறேன். எனக்கு கொஞ்சம், நேரம் கொடுங்க..!- வால்பாறை திமுக எம்எல்ஏ குட்டி என்கிற சுதாகர் கோரிக்கை.
கான்பிடன்ஸுக்கும், ஓவர் கான்பிடன்ஸுக்கும் ஒரே ஒரு சிறிய வித்தியாசம் தான். கான்பிடன்ஸ் ஆளுங்கட்சியாக இந்த சபையில் அமர்ந்திருக்கிறது. ஓவர் கான்பிடன்ஸை நாம் தான் தேடி பார்க்க வேண்டும்- மதுரை தெற்கு தவெக எம்எல்ஏ கோபிசன்.
மதுரையை தமிழகத்தின் இரண்டாவது தலைநகரமாக அறிவிக்க வேண்டும். ஐகோர்ட் கிளை உள்ளிட்டவை மதுரையில் உள்ளன.
சென்னையில் மட்டுமே நிர்வாக மையங்கள் குவிந்து கிடப்பதால், தென்மாவட்ட மக்கள் நீண்ட தூரம் பயணிக்க வேண்டியுள்ளது. மதுரையை நிர்வாக தலைநகராக மாற்ற வேண்டும்- மதுரை தெற்கு தவெக எம்எல்ஏ கோபிசன்.
வால்பாறையில் 40 எஸ்டேட்டில் செல்போன் டவர் இல்லை" என வால்பாறை திமுக எம்எல்ஏ குட்டி என்கிற சுதாகர் பேசிக்கொண்டிருக்கும் போது, அருகில் இருந்து சிலர் கமெண்ட் அடிக்க, "டவர் இல்லாததால் தான் எம்எல்ஏ ஆனேன். டவர் இருந்திருந்தால் இன்ஸ்டாகிராம், பேஸ்புக் வந்திருக்கும் என கலகலப்பாக பதிலளித்தார்.
திமுக, அதிமுக இருவரும் ஒருவர் ஆளுங்கட்சி என்றால் மற்றவர் எதிர்க்கட்சி, ஒருவர் இந்த பக்கம் அமர்ந்தால் மற்றவர்கள் அந்த பக்கம் அமர்வார்கள். இப்படி மாறி மாறி ஆட்சி செய்தவர்களுக்கு 2026ஆம் ஆண்டு தமிழக மக்கள், முதல்வர் விஜய் வாயிலாக ஒரு புதிய தீர்ப்பை எழுதியுள்ளார்கள்- அமைச்சர் ராஜ்குமார்.
தமிழ்நாட்டிற்கு இது ஒரு புதிய அரசியல் அனுபவம். சட்டமன்றம் இன்று கோட்டைக்குள் மட்டும் நடைபெறவில்லை. தமிழ்நாட்டின் ஒவ்வொரு வீட்டு வரவேற்பறையிலும் நடைபெற்று வருகிறது. அரசியலும், அரசின் செயல்பாடுகளும் பொதுமக்களின் அன்றாட உரையாடலாக மாறி வருகின்றன- அமைச்சர் ராஜ்குமார்