‘கோவையை கைப்பற்ற பாஜக துடிக்கிறது’ - முதலமைச்சர் மு.க.ஸ்டாலின்!

ஒடிசா தேர்தல் பரப்புரையில் தமிழர்களை பாஜகவினர் எப்படியெல்லாம் விளம்பரங்கள் மூலம் இழிவு செய்தார்கள் என்பது எல்லோருக்கும் தெரியும். பூரி ஜெகநாதர் கோயில் கருவூலச் சாவி தமிழ்நாட்டுக்கு போய்விட்டது, என தமிழர்களை திருடர்களாக சித்தரித்தார்கள்.

குடியரசு தின அணிவகுப்பில் தமிழ்நாடு அரசின் அலங்கார ஊர்திக்கு அனுமதி மறுத்தனர். இதனால்தான் தமிழ்நாட்டில் உங்களுக்கு இடம் இல்லை என மக்கள் கூறுகிறார்கள்.

இதுபோலத்தான் தமிழ்நாட்டில் இருந்து வந்து கர்நாடகாவில் வெடிகுண்டு வைக்கிறார்கள் என ஒன்றிய அமைச்சர் சோபா பேசி, பிறகு பிரச்னை ஆனதும் மன்னிப்பு கேட்டார்.

மக்கள் தொகை போதாது என கோவை, மதுரை மெட்ரோ திட்டங்களை நிராகரித்துவிட்டு, ஆளே இல்லாத கடையில் டீ ஆற்றுவதுபோல உ.பி.யின் ஆக்ரா நகரில் ஆளில்லாமல் மெட்ரோவை ஓட்டிக் கொண்டு இருக்கிறார்கள். இதுபோல பல நகரங்களில். தமிழ்நாட்டை பார்த்தால் பாஜகவிற்கு எப்படி தெரிகிறது? கோவையை கைப்பற்ற வேண்டும் என பாஜக துடிக்கிறது.

ஒன்றிய பட்ஜெட்டின்போது தமிழ்நாட்டை மொத்தமாக மறந்துவிடுவார்கள். இயற்கை பேரிடருக்கு நிவாரணம் தரும்போது தமிழ்நாடு நினைவுக்கு வராது. அதுபோலத்தான் தமிழ்நாடு மக்கள் வாக்குச்சாவடிக்கு செல்லும்போது பாஜக நினைவுக்கு வராது. இனியும் வரக்கூடாது.

நீங்கள் என்ன திட்டம்போட்டு என் மக்களுக்கான திட்டங்களை தடுத்தாலும், அவர்களுக்கு இந்த முத்துவேல் கருணாநிதி ஸ்டாலின் திட்டங்களை கொடுத்துக்கொண்டே இருப்பான்” என தெரிவித்தார்.