தனியாருக்கு மாறும் டாஸ்மாக் மது விற்பனை- அரசு பரிசீலனை

அதன் ஒரு பகுதியாக அவர் அதிகாரிகளுடன் நேற்று ஆலோசனை நடத்தினார். டாஸ்மாக் கடைகளில் கூடுதலாக வசூலிக்கப்படும் ரூ.10 விவகாரம் சமூக வலைதளங்களில் சர்ச்சை ஆகி வருகிறது. மதுபானத்தை அரசின் நிறுவனம் விற்பதால் கெட்ட பெயரும் ஏற்படுகிறது. இது தொடர்பாக முதலமைச்சர் விஜய், அதிகாரிகளுடன் பல்வேறு கருத்துக்களை கேட்டறிந்தார்.

டாஸ்மாக் ஊழியர்கள் தரப்பில் வைக்கப்பட்டுள்ள பிரச்சனைகள் குறித்தும் விவாதிக்கப்பட்டது. கேரளம் மாநிலத்தில் நடைபெறும் மது விற்பனையை பின்பற்றினால் தவறுகளுக்கு முற்றுப்புள்ளி வைக்கலாம் என்ற அவர்களின் கருத்தையும் அதிகாரிகள் எடுத்துரைத்தனர். புதுச்சேரியில் அரசு கூட்டுறவு சங்கம் மூலம் மதுபான விற்பனை செய்வதோடு மட்டுமல்லாமல் தனியார்களும் மதுக்கடைகளை நடத்தி வருகிறார்கள். அந்த முறையை பின்பற்றினால் அரசின் கட்டுப்பாட்டிலேயே மதுபானம் விற்பனை இருக்கும். ஆனால் கடைகளை தனியார் நடத்துவார்கள் என்பதையும் விளக்கி கூறப்பட்டது.

மது விற்பனையை தனியாருக்கு முற்றிலும் கொடுப்பதன் மூலம் என்னென்ன சாதக , பாதகங்கள் உள்ளன என்பது பற்றியும் முதலமைச்சர் கேட்டறிந்தார். புதுச்சேரியில் மது விற்பனை செயல்பாட்டு முறையை ஆய்வு செய்து அறிக்கை கொடுக்கவும் அதிகாரிகளிடம் அவர் கூறியதாக தெரிகிறது.