திருப்பூர் மாவட்ட நகர்ப்புற உள்ளாட்சி தேர்தல்- வெற்றி, தோல்வியை தீர்மானிக்கும் சக்தியாக விளங்கும் பெண் வாக்காளர்கள்

திருப்பூர் மாநகராட்சியில் 60 வார்டுகள் உள்ளன. 3 லட்சத்து 62 ஆயிரத்து 353 ஆண்கள்,3 லட்சத்து 50 ஆயிரத்து 247 பெண்கள், 170 திருநங்கையர் என 7.12 லட்சம் வாக்காளர்கள் மாநகராட்சி தேர்தலில் வாக்களிக்க உள்ளனர். உடுமலை நகராட்சியில் 33 வார்டுகள், தாராபுரம் 30, திருமுருகன்பூண்டி 27, வெள்ளகோவில் 21, பல்லடம் மற்றும் காங்கயம் நகராட்சிகளில் தலா 18 வார்டுகள் என 6 நகராட்சிகளில் 147 வார்டுகளுக்கு தேர்தல் நடக்க உள்ளது. 6 நகராட்சிகளில் ஒரு லட்சத்து 18 ஆயிரத்து 998 ஆண்கள், ஒரு லட்சத்து 26 ஆயிரத்து 364 பெண்கள், 21 திருநங்கைகள் என 2 லட்சத்து 45 ஆயிரத்து 383 வாக்காளர்கள் உள்ளனர்.

அவிநாசி, கொளத்துப்பாளையம், மடத்துக்குளம் பேரூராட்சியில் தலா 18 வார்டுகள் உள்ளன. தளி பேரூராட்சியில் 17 வார்டுகளும், கன்னிவாடியில் 12 வார்டுகளும் உள்ளன. மற்ற 10 பேரூராட்சிகளில் தலா 15 வார்டுகள் உள்ளன. பேரூராட்சிகளில் மொத்தம் 84 ஆயிரத்து 827 ஆண்கள், 89 ஆயிரத்து 384 பெண்கள், 8 திருநங்கைகள் என ஒரு லட்சத்து 74 ஆயிரத்து 219 வாக்காளர்கள் உள்ளனர்.