மகனை கொன்று ரியல் எஸ்டேட் அதிபர்-மனைவி தற்கொலை: போலீசார் விசாரணை

கடன் பிரச்சினையால் வாழ்வதை விட சாவதே மேல் என்ற முடிவுக்கு ராஜா வந்தார்.

இது குறித்து மனைவி கனகதுர்காவிடம் பேசினார். அவரும் இதற்கு சம்மதித்தார். மேலும் நமது மகன் தனியாக கஷ்டப்படக் கூடாது. அவனையும் நாம் செல்லும் இடத்துக்கு அழைத்து செல்ல வேண்டும் என்றார்.

அதன்படி நேற்று இரவு ராஜா, கனகதுர்கா இருவரும் சேர்ந்து மனதை கல்லாக்கி கொண்டு தூங்கி கொண்டிருந்த தங்களது ஒரே மகன் ஸ்ரீவர்‌ஷனை கழுத்தை நெரித்து கொலை செய்துள்ளனர்.

பின்னர் இருவரும் தூக்குப்போட்டு தற்கொலை செய்து கொண்டனர். இந்த நிலையில் இன்று காலை வெகுநேரமாகியும் வீடு கதவு திறக்கப்படாததால் அக்கம்பக்கத்தினர் சென்று ஜன்னலை திறந்து பார்த்துள்ளனர்.

அதில் ஸ்ரீவர்‌ஷன் இறந்து கிடந்ததையும், ராஜா, கனகதுர்கா தூக்கில் பிணமாக கிடந்ததையும் பார்த்து அதிர்ச்சியடைந்தனர்.

உடனடியாக கள்ளப்பெரம்பூர் போலீஸ் நிலையத்துக்கு தகவல் தெரிவித்தனர். அதன்பேரில் சம்பவ இடத்துக்கு வந்த போலீசார் கதவை உடைத்து சென்றனர். இதையடுத்து 3 பேரின் உடலையும் மீட்டு பிரேத பரிசோதனைக்காக தஞ்சை மருத்துவ கல்லூரி மருத்துவமனைக்கு அனுப்பி வைத்தனர்.

இறந்து போன ராஜா கடிதம் எழுதி வைத்துள்ளாரா என்று போலீசார் வீட்டை சோதனையிட்டனர். மேலும் கந்துவட்டி கும்பல் மிரட்டியதா எனவும், வேறு ஏதேனும் காரணமா எனவும் இது குறித்து போலீசார் வழக்குப்பதிவு செய்து மேலும் விசாரணை நடத்தி வருகின்றனர்.

பெற்ற ஒரே மகனை கொலை செய்து விட்டு பெற்றோர் தற்கொலை செய்து கொண்ட சம்பவம் தஞ்சை பகுதியில் இன்று பெரும் பரபரப்பை ஏற்படுத்தி உள்ளது.