திருப்பூர்-கோவையில் விசைத்தறியாளர்கள் போராட்டம் வாபஸ்

இந்தநிலையில் கடந்த 2014ல் உயர்த்தப்பட்ட கூலியை ஜவுளி உற்பத்தியாளர்கள் இன்னும் வழங்கவில்லை. இதன் காரணமாக கடந்த 8 ஆண்டுகளாக விசைத்தறி தொழில் கடும் நெருக்கடியில் உள்ளது. கூலி உயர்வை அமல்படுத்தினால் மட்டுமே தொழில் செய்ய முடியும் என்ற நிலையில் பல கட்ட பேச்சுவார்த்தைகளுக்கு பிறகு கடந்த 24.11.2021ந்தேதி கோவை மாவட்ட கலெக்டர் அலுவலகத்தில் நடைபெற்ற பேச்சுவார்த்தையில், அமைச்சர்கள், மாவட்ட கலெக்டர் முன்னிலையில் பல்லடம் சோமனூர் ரகத்திற்கு 23 சதவீதம், மற்ற ரகத்திற்கு 20 சதவீதம் கூலி உயர்வு அறிவிக்கப்பட்டது.

ஆனால் ஜவுளி உற்பத்தியாளர்கள் கூலி உயர்வை அமல்படுத்தாமல் இருந்தனர். இதனை கண்டித்தும் ஒப்பந்த கூலி உயர்வு வழங்கக்கோரியும் கடந்த ஜனவரி மாதம் 9ந்தேதி முதல் விசைத்தறியாளர்கள் காலவரையற்ற வேலைநிறுத்தப்போராட்டத்தில் ஈடுபட்டனர். மேலும் கண்டன ஆர்ப்பாட்டம், முதல்வருக்கு தபால் அனுப்புவது உள்ளிட்ட பல்வேறு போராட்டங்களையும் விசைத்தறியாளர்கள் நடத்தினர். இதனால் ரூ.3500 கோடி அளவுக்கு காடாத்துணி உற்பத்தி பாதிக்கப்பட்டது. தொழிலாளர்களும் வேலையிழந்து தவித்து வந்தனர்.