முதியவர் கொலையில் திடீர் திருப்பம்- சொத்து தகராறில் தந்தையை கொலை செய்த மகள், மருமகன் கைது

கோட்டை மாடன் வயது முதிர்வின் காரணமாக தனது சொத்துக்களை மூன்று மகள்களுக்கும் சமமாக பங்கு வைத்துக் கொடுத்து உள்ளார்.

ஆனால் மாந்தோப்பை மட்டும் யாருக்கும் பங்கு வைத்து கொடுக்காமல் இருந்துள்ளார். கோட்டை மாடன், 2வது மகளான சந்திரா வீட்டில் தங்கியிருந்துள்ளார். இதனால் தனது இறப்புக்குப் பிறகு அந்த மாந்தோப்பை சந்திராவின் மகனான விஜயகுமாருக்கு எழுதி வைக்க போவதாக மூன்று மகள்களிடமும் அவர் தெரிவித்துள்ளார்.

ஆனால் அதற்கு பரமசிவன் மற்றும் ஸ்ரீதேவி ஆகியோர் சம்மதம் தெரிவிக்கவில்லை. ஆனாலும் கோட்டை மாடன் பேரனுக்கு மாந்தோப்பை எழுதி வைப்பதில் உறுதியாக இருந்துள்ளார்.

இதனால் ஆத்திரமடைந்த பரமசிவனும், ஸ்ரீதேவியும் கோட்டை மாடனை கொலை செய்ய முடிவு செய்துள்ளனர். இதற்காக பரமசிவனின் தோட்டத்தில் வேலை பார்க்கும் சேகர் என்பவரிடம் ரூ.1 லட்சம் பேரம் பேசியுள்ளனர்.

உடனே சேகர் கூலிப்படையினரான அதே பகுதியை சேர்ந்த மகேஷ், வசந்த குமார் ஆகியோரை பரமசிவனிடம் அழைத்து வந்துள்ளார். முதல்கட்டமாக மகேஷ் மற்றும் வசந்த குமார் ஆகியோருக்கு முன்பணமாக தலா ரூ. 25 ஆயிரம் கொடுத்துள்ளனர். கோட்டை மாடனை கொலை செய்த பின்னர் மீதி தொகையை தருவதாக கூறியது விசாரணையில் தெரியவந்தது.

இதையடுத்து பரமசிவன், ஸ்ரீதேவி ஆகியோரை போலீசார் கைது செய்தனர். மேலும் மகேஷ், வசந்த குமார் ஆகியோரும் கைது செய்யப்பட்டனர்.

இடைத்தரகராக செயல்பட்ட சேகரை போலீசார் வலைவீசி தேடி வருகின்றனர்.