2 ஆண்டுகளுக்கு பிறகு இன்று முதல் அனுமதி- மணிமுத்தாறு அருவியில் குளித்து மகிழ்ந்த சுற்றுலா பயணிகள்

சுமார் 2 வருடங்களுக்கு பிறகு மணிமுத்தாறு அருவியில் குளிக்க அனுமதி கிடைத்ததால் சுற்றுலா பயணிகள் மிகுந்த மகிழ்ச்சி ஆரவாரத்துடன் குளித்தனர்.

மாலை மலர்

Published:6th Feb, 2022 at 3:18 PM

கல்லிடைக்குறிச்சி:

நெல்லை மாவட்டத்தின் முதன்மையான சுற்றுலா தலங்களில் ஒன்றாக விளங்குவது மணிமுத்தாறு அருவி. இங்கு செல்வதற்கும், அருவியில் குளிக்கவும் வனத்துறையின் அனுமதி அவசியம்.

கடந்த 2020-ம் ஆண்டு ஜனவரி மாதம் ஏற்பட்ட வெள்ளப்பெருக்கின் காரணமாக அருவி பகுதி சேதமடைந்தது. மேலும் கொரோனா தொற்று பரவலும் அதிகரிக்க தொடங்கியதால் அருவிக்கு செல்ல தடை விதிக்கப்பட்டது.

சுமார் 2 ஆண்டுகளாக மணிமுத்தாறு அருவியில் குளிக்க விதிக்கப்பட்ட தடையால் சுற்றுலா பயணிகள் மற்றும் பொதுமக்கள் ஏமாற்றம் அடைந்தனர். அருவியில் குளிக்க அனுமதி அளிக்க வேண்டும் என்று பல்வேறு தரப்பினரும் கோரிக்கை விடுத்து வந்தனர்.

இந்நிலையில் 2 ஆண்டுகளுக்கு பிறகு மணிமுத்தாறு அருவியில் சுற்றுலா பயணிகள் குளிக்க இன்று முதல் அனுமதி வழங்கப்பட்டுள்ளது.

இதுகுறித்து களக்காடு முண்டந்துறை புலிகள் காப்பகம் அம்பாசமுத்திரம் கோட்ட துணை இயக்குனர் செண்பக பிரியா கூறுகையில், மணிமுத்தாறு அருவியில் குளிக்க பொதுமக்களுக்கு வனத்துறை அனுமதி அளித்துள்ளது.