சட்டமன்ற வரலாற்றில் தவறான முன்னுதாரணமாக அமைந்து விடக்கூடாது- சபாநாயகர் முடிவுக்கு சசிகலா எதிர்ப்பு

அனைத்து இந்திய புரட்சித்தலைவர் மக்கள் முன்னேற்றக் கழக தலைவர் சசிகலா சமூக வலை தள பதிவில் கூறியிருப்பதாவது:-

ஒரு சபாநாயகர் அனைவருக்கும் பொதுவானவராக இருக்க வேண்டும்.

தமிழகத்தில் புதிதாக பொறுப்பேற்றுள்ள சட்டமன்ற சபாநாயகர் தமிழக சட்டமன்ற பேரவையின் மாண்பை, அதன் மதிப்பு மிக்க சிறப்பை தொடர்ந்து காப்பாற்றிட வேண்டும். புதிதாக அமைந்த அரசுக்கு சட்டமன்றத்தில் நம்பிக்கை கோரும் தீர்மானத்தில் ஆதரவு அளித்த அ.தி.மு.க.வை சேர்ந்த 4 சட்டமன்ற உறுப்பினர்கள் கடந்த மாதம் 25 மற்றும் 26-ந்தேதிகளில் தங்களது பதவியை ராஜினாமா செய்தனர். அதை உடனடியாக சபாநாயகரும் ஏற்றுக்கொண்டு விட்டார்.