சேலம்:
அஜித்குமார் நடித்த வலிமை திரைப்படம் இன்று வெளியானது. சேலத்தில் சுமார் 25 தியேட்டர்களில் இந்த படம் ரிலீஸ் ஆனது. சேலத்தில் ஒரு தியேட்டரில் அதிகாலை 4 மணிக்கு முதல் காட்சி ஒளிபரப்பப்படும் என அறிவிக்கப்பட்டிருந்தது. இதனால் தியேட்டர் முன்பு ஆயிரக்கணக்கான ரசிகர்கள் குவியத் தொடங்கினர்.
ரசிகர்களிடையே பெரும் எதிர்பார்ப்பை ஏற்படுத்திய இந்த திரைப்படத்தை காண ரசிகர்கள் ஆவலாக இருந்த நிலையில் 4 மணிக்கு திரையிடுவதற்கு பதிலாக 5 மணிக்கு திரையிடப்படும் என அறிவிப்பு வெளியானது.
காலதாமதம் ஏற்ப்பட்டத்தால் ஆவேசம் அடைந்த ரசிகர்கள் தியேட்டர்கள் முன்பு இருந்த பொருட்களை சேதப்படுத்தும் முயற்சியில் ஈடுபட்டனர். தியேட்டர் முன்பு இருந்த கண்ணாடி மேற்கூரை போன்றவற்றை அடித்து நொறுக்கியதால் பரபரப்பு ஏற்பட்டது.