புதுக்கோட்டை அதிமுக அலுவலக விவகாரம் - சாவியை ஒப்படைத்த விஜயபாஸ்கர்

இதற்கிடையில், வடக்கு மாவட்ட செயலாளர் பழனிவேல் மாவட்ட கலெக்டர் மற்றும் போலீசாரிடம் அ.தி.மு.க. அலுவலக ஆவணங்களை சமர்ப்பித்து, அலுவலகத்தை திறக்க அனுமதி கோரினார்.

இதைத்தொடர்ந்து, புதுக்கோட்டை வருவாய் கோட்டாட்சியர் பிரகாஷ் முன்னிலையில் இருதரப்பினரையும் அழைத்து சமரச பேச்சுவார்த்தை கூட்டம் நேற்று நடத்தப்பட்டது. இந்த கூட்டத்தில் எடப்பாடி பழனிசாமி தரப்பினர் பங்கேற்றனர்.

ஆனால் விஜயபாஸ்கர் தரப்பில் ஒரு வக்கீல் மட்டுமே கலந்து கொண்டார். விஜயபாஸ்கர் தரப்பு ஆதரவாளர்கள் வராததால், சட்டப்பூர்வமாக அடுத்தக்கட்ட பேச்சுவார்த்தை ஒத்திவைக்கப்பட்டது.

கோட்டாட்சியர் அலுவலகத்தின் வெளியே திரண்ட எடப்பாடி பழனிசாமியின் ஆதரவாளர்கள் மற்றும் அ.தி.மு.க. தொண்டர்கள், அலுவலக சாவியை தங்களிடம் ஒப்படைக்கப்பட வேண்டும் என ஆவேசமாக தெரிவித்தனர்.

இந்நிலையில் புதுக்கோட்டை மாவட்ட அதிமுக அலுவலக சாவியை அதிமுக பொதுச்செயலாளர் எடப்பாடி பழனிசாமி தரப்பிடம் சி.விஜயபாஸ்கர் தரப்பினர் ஒப்படைத்தனர்.