தொகுதி பங்கீடு பேச்சுவார்த்தை இறுதி கட்டத்தை எட்டியது - நாளை சென்னை வருகிறார் பியூஷ் கோயல்

இதனை தொடர்ந்து தமிழக பா.ஜ.க. தேர்தல் பொறுப்பாளரும் மத்திய மந்திரிமான பியூஷ் கோயல் மீண்டும் நாளை சென்னை வரவிருக்கிறார். அவர் ஏற்கனவே தமிழகம் வருகை தந்தபோது எடப்பாடி பழனிசாமி மற்றும் அ.தி.மு.க. 2-ம் கட்ட தலைவர்களுடன் தொகுதி பங்கீடு தொடர்பாக பேச்சுவார்த்தை நடத்தி இருக்கிறார். இந்த முறை இறுதிக்கட்ட பேச்சுவார்த்தை நடத்தப்பட்டு ஒரே நாளில் தொகுதி பங்கீட்டை இறுதி செய்வதற்கு திட்டமிடப்பட்டு உள்ளது.

பியூஷ் கோயல் சென்னை வந்ததும் அ.தி.மு.க. பொதுச் செயலாளர் எடப்பாடி பழனிசாமியை மீண்டும் சந்தித்து பேசுகிறார். இந்த சந்திப்பின்போது அ.தி.மு.க., பா.ஜ.க. மற்றும் கூட்டணி கட்சிகள் எத்தனை தொகுதிகளில் போட்டியிடுவது என்பது பற்றிய தொகுதி பங்கீடு கையெழுத்தாகும் என்று எதிர்பார்க்கப்படுகிறது.