முன்னாள் அமைச்சர் கே.என்.நேரு மீது 23-ந்தேதி வரை நடவடிக்கை எடுக்கக்கூடாது - சென்னை உயர் நீதிமன்றம்!

அதற்கு நீதிபதிகள், அட்வகேட் ஜெனரல் ஏற்கனவே உத்தரவாதம் அளித்த பின்னர், போலீசார் எப்படி இதுபோல நடவடிக்கை எடுத்தனர்? என்று கேள்வி எழுப்பினர்.

இதற்கு, அரசு தரப்பில் ஆஜரான அட்வகேட் ஜெனரல் விஜய் நாராயண், ''நகராட்சி பணி நியமனங்களில் கோடிக்கணக்கில் முறைகேடு நடந்துள்ளதாக அமலாக்கத்துறை ஆதாரப்பூர்வமாக அனுப்பிய கடிதத்தின் அடிப்படையில் முன்னாள் அமைச்சரான கே.என்.நேரு உள்ளிட்டோர் மீது லஞ்ச ஒழிப்பு போலீசார் இன்று காலையில் வழக்குப்பதிவு செய்துள்ளனர்.

ஆனால், அந்த வழக்கின் முதல் தகவல் அறிக்கை தற்போது என்னிடம் இல்லை. முன்னாள் அட்வகேட் ஜெனரல் உயர் நீதிமன்றத்திற்கு அளித்த உத்தரவாதம் குறித்த விவரம் எனக்கு தெரியாது.

வழக்குப்பதிவு செய்யவேண்டும் என்ற இந்த உத்தரவுக்கு தடை எதுவும் இதுவரை இல்லாததால், அந்த உத்தரவின் அடிப்படையிலேயே போலீசார் வழக்குப்பதிவு செய்துள்ளனர்'' என்றார்.

இதையடுத்து நீதிபதிகள், ''சீராய்வு மனுக்கள், நீதிமன்ற அவமதிப்பு வழக்கு ஆகியவை வருகிற 23-ந்தேதி இந்த விசாரணைக்கு வரவுள்ளது. எனவே, லஞ்ச ஒழிப்பு போலீசார் பதிவு செய்துள்ள வழக்கின் அடிப்படையில் வருகிற 23-ந்தேதி வரை மேல்நடவடிக்கை எடுக்காமல் நிறுத்தி வைப்பதால், அரசுக்கு எந்த பாதிப்பும் வரப்போவது இல்லை.

முன்னாள் அட்வகேட் ஜெனரல் அளித்த உத்தரவாதத்தின் அடிப்படையிலும், தற்போது பதிவு செய்துள்ள வழக்கின் அடிப்படையிலும், எந்த ஒரு நபர் மீதும் வருகிற 23-ந்தேதி வரை போலீசார் நடவடிக்கை எதுவும் எடுக்கக்கூடாது. அனைத்து வழக்குகளையும் வருகிற 23-ந்தேதி விசாரணைக்கு எடுத்துக்கொள்ளப்படும்'' என்று உத்தரவிட்டனர்.