மாரத்தான் ஓட்டத்தில் 6 கி.மீ. இலக்கை நிறைவு செய்த அமைச்சர் என்.ஆனந்த்

சர்வதேச போதைப் பொருள் எதிர்ப்பு தினத்தையொட்டி சென்னை காமராஜர் சாலையில் நடந்த விழிப்புணர்வு ஓட்டத்தை முதலமைச்சர் விஜய் தொடங்கி வைத்து மாரத்தானில் ஓடினார்.

விழிப்புணர்வு ஓட்டத்தில் அமைச்சர் என்.ஆனந்தும் பங்கேற்று ஓடியதுடன் மாரத்தானில் 6 கி.மீ. தூர இலக்கை நிறைவு செய்தார். இதற்காக அவருக்கு பதக்கம் வழங்கப்பட்டது. இதை தொடர்ந்து ஓட்டத்தில் பங்கேற்ற மாணவ, மாணவிகள், இளைஞர்களை உற்சாகப்படுத்தி அவர்களுக்கு பதக்கங்கள் மற்றும் உணவுகளை அமைச்சர் என்.ஆனந்த் வழங்கினார்.

இதை தொடர்ந்து போட்டியில் பங்கேற்ற மாணவ-மாணவிகளுடன் தரையில் அமர்ந்து அவர்களுடன் கலந்துரையாடி போதைப் பொருட்களுக்கு எதிரான விழிப்புணர்வை ஏற்படுத்தியதுடன் போதைப்பொருட்களுக்கு எதிராக முதலமைச்சர் விஜய் எடுத்து வரும் நடவடிக்கைகள் குறித்தும் விளக்கி கூறினார்.