கர்நாடக அணைகளில் இருந்து நீர் திறப்பு நிறுத்தம்- பாறைகளாக காட்சியளிக்கும் ஒகேனக்கல் காவிரி ஆறு

கபினி அணை

கர்நாடகாவின் முக்கிய நீர்த்தேக்கங்களான கிருஷ்ணராஜ சாகர் மற்றும் கபினி அணைகளில் நீர் இருப்பு குறைந்துள்ளதால், தமிழகத்திற்கு திறந்து விடப்பட்டு வந்த தண்ணீர் தற்போது நிறுத்தப்பட்டு உள்ளதாக நீர்வளத்துறை வட்டாரங்கள் தெரிவித்து உள்ளன.

ஏமாற்றம்

எப்போதும் சுற்றுலாப் பயணிகளால் நிரம்பி வழியும் ஒகேனக்கல் தற்போது வெறிச்சோடி காணப்படுகிறது. மேலும், பரிசல் சவாரிக்கும் போதிய நீரோட்டம் இல்லாததால் சுற்றுலா நடவடிக்கைகள் மந்தமடைந்துள்ளன.

பரிசல்

இதனால் பரிசல் ஓட்டிகள், எண்ணெய் மசாஜ் தொழிலாளர்கள், சிறு வியாபாரிகள் மற்றும் சுற்றுலாவை நம்பியுள்ள நூற்றுக்கணக்கான குடும்பங்களின் வாழ்வாதாரம் பாதிக்கப்பட்டுள்ளது. வார இறுதி நாட்களில் ஒகேனக்கல்லுக்கு வந்த சுற்றுலாப் பயணிகளும் அருவிகளில் தண்ணீர் இல்லாததை கண்டு ஏமாற்றத்துடன் திரும்பிச் சென்றனர்.

எதிர்பார்ப்பு

தென்மேற்கு பருவமழை கர்நாடக காவிரி நீர்ப்பிடிப்பு பகுதிகளில் தீவிரமடைந்து, அணைகளின் நீர்மட்டம் உயர்ந்த பின்னரே ஒகேனக்கல் மீண்டும் தனது இயற்கை அழகையும் பழைய பொலிவையும் பெறும் என்ற எதிர்பார்ப்பில் உள்ளூர் மக்கள் காத்திருக்கின்றனர். தற்போது ஒகேனக்கலின் புகழ்பெற்ற ஐந்தருவி பகுதி முழுவதும் பாறைகள் மட்டுமே தெரியும் அளவுக்கு வறண்ட நிலையில் காணப்படுவது பொது மக்களிடையே கவலையை ஏற்படுத்தியுள்ளது.