‘தமிழ்நாடு போதைப்பொருள் மயமானது பழனிசாமி ஆட்சியில்தான்’ - முதலமைச்சர் மு.க.ஸ்டாலின்

மோடி பேச்சை தாண்டி செயல்படும் துணிச்சல் அதிமுகவிற்கு உள்ளதா? தமிழ்நாட்டை சீரழிக்க எண்ணற்ற திட்டங்களை என்டிஏ கூட்டணி வைத்துள்ளது. விவசாயிகளுக்கு இலவச மின்சாரத்தை நிறுத்துவதற்கான டிரெய்லர்தான் உதய் மின் திட்டம். அதுபோல தமிழை அழிக்கும் திட்டம் மும்மொழிக் கொள்கை.

அடுத்தவர்களின் வரிப்பணத்தை சுரண்டுவதற்கு வந்ததுதான் ஜிஎஸ்டி. மாநில மக்களே தங்கள் அரசை தேர்ந்தெடுக்கும் உரிமையை நாசம் செய்வதற்கு ஒரே நாடு ஒரே திட்டம்.

விரைவில் தமிழ்நாட்டின் பிரதிநிதித்துவத்தை குறைப்பதற்கு கொண்டுவரப்பட்ட திட்டம்தான் தொகுதி மறு சீரமைப்பு. இப்படி நிறைய திட்டங்கள் உள்ளன. இவை அனைத்தையும் முறியடிக்க நம்மால் மட்டும்தான் முடியும்.