எம்.ஜி.ஆர். முதல் சீமான் வரை... தமிழ்நாட்டிற்கு 5 தலைநகர்... எந்தளவு சாத்தியம்?

இந்நிலையில் நாதக தலைவர் சீமான் 5 தலைநகர் திட்டத்தை முன்மொழிந்துள்ளார். இது எந்த அளவு சாத்தியம்? இந்த முன்மொழிவு பலராலும் பாராட்டப்படுகிறது. காரணம் சென்னை போன்ற ஒரு குறிப்பிட்ட நகரத்தில் மக்கள் நெரிசல் குறைந்து, மற்ற நான்கு நகரங்களிலும் உள்கட்டமைப்பு மற்றும் வேலைவாய்ப்புகள் பெருகும்.

இதனால் வேலைக்காக இங்கு வந்து பெற்றோரை, மனைவியை, கணவரை, குடும்பத்தை, என உறவுகளை பிரிந்து வாழும் சூழல் பலபேருக்கு ஏற்படாது. பலரும் சொந்த ஊரிலேயே வேலை அல்லது அருகிலேயே வேலை என்ற மன திருப்தியோடு இருப்பர். பல பிரச்சனைகள் தவிர்க்கப்படும். மேலும் பல நன்மைகள் ஏற்படும்.

ஆனால் இதில் உள்ள நிர்வாக சிக்கல்கள் என்ன?

அரசுத் துறைகள் ஐந்து இடங்களில் பிரிந்து இருந்தால், துறைகளுக்கு இடையிலான ஒருங்கிணைப்பு கடினமாகலாம். சீமான் சொன்னதுபோல திருச்சி நிர்வாக தலைநகர் என்றால், புதிய சட்டமன்றம், தலைமைச் செயலகம் மற்றும் அரசு அலுவலகங்களை அங்கு கட்டமைக்க மிகப்பெரிய நிதி தேவைப்படும்.

மேலும் அவர் குறிப்பிட்டுள்ள ஐந்து மாவட்டங்களும் ஏற்கனவே நகரமயமாகி வருகின்றன. இருப்பினும் தலைநகராகும்போது உட்கட்டமைப்பை மேம்படுத்துகிறோம் என இன்னும் நகரமயமாதல் அதிகமாகும்.

இதனால் அங்குள்ள அழகான கிராமங்களின், ஊர்களின் இயல்பு வாழ்க்கை முற்றிலும் மாறுபடும், பாதிக்கப்படும். தொழிற்சாலைகளால் காற்று மாசு உள்ளிட்ட பிரச்சனைகளும் எழலாம்.

வாக்குறுதிகள்

இறுதியாக, இது நாதக தலைவர் சீமான் கொடுத்த வாக்குறுதிக்காக அல்ல, பொதுவாக. தேர்தல்களின்போது உள்கட்டமைப்பு என்பது வாக்குறுதியாக கொடுக்கும்போதே பலரும் அறிந்துகொள்ளலாம், வாக்குறுதி கொடுக்கப்படும் நகரங்கள், ஊர்கள் எந்த நிலையில் இருக்கும் என்று.

இந்தியாவோடு ஒப்பிடுகையில் தமிழ்நாடு வளர்ச்சியடைந்த மாநிலம்தான் என்பதில் ஆச்சர்யமில்லை.

இருப்பினும், இன்னும் தமிழ்நாட்டில் எத்தனை கிராமங்கள் சாலைவசதி, குடிநீர் வசதி, மருத்துவ வசதி, பள்ளிக்கூடம் போன்ற அடிப்படை வசதிகளே இல்லாமல் இருக்கின்றன என்பதையும் நினைவில்கொள்ள வேண்டும். வெறும் தலைநகரங்களை மட்டும் மாற்றினால் நிலைமாறும் என்பதை தாண்டி, அனைத்து மாவட்டங்களின் உள்கட்டமைப்பும் மேம்படுத்தப்பட வேண்டும்.