பட்டினப்பாக்கத்தில் தலைமை செயலகம் கட்ட மீனவர்கள் எதிர்ப்பு- போராட்டம் நடத்த முடிவு

இது குறித்து மீனவர் சங்க தலைவர் விஜயன் கூறியதாவது:-

புதிய தலைமைச் செயலகம் இங்கு அமைந்தால் மீனவ கிராம மக்கள் பாதிக்கப்படுவார்கள்.

பட்டினப்பாக்கம், சாந்தோம், மயிலாப்பூர் பகுதிகளை உள்ளடக்கியது பள்ளி மண்டலம் என்று அழைக்கப்படுகிறது. 10 ஆயிரத்துக்கு மேற்பட்ட மாணவ-மாணவியர்கள் படிக்கிறார்கள்.

ஏற்கனவே ஆட்சி புரிந்த தி.மு.க., அ.தி.மு.க. அரசுகள் பட்டினப்பாக்கத்தை தேர்வு செய்யவில்லை. கள நிலவரத்தைக் கருத்தில் கொள்ளாமல் இடத்தை மட்டும் கணக்கில் கொண்டு தலைமைச் செயலத்தை இங்கு கட்ட த.வெ.க. அரசு முடிவு செய்துள்ளது. வருகிற 15-ந்தேதி சீனிவாசபுரத்தில் அனைத்து மீனவ அமைப்புகளின் ஆலோசனை கூட்டம் நடைபெற உள்ளது. இந்த 9 கிராமங்கள் தவிர பழவேற்காடு முதல் கோவளம் வரை உள்ள மீனவ மக்களின் பிரதிநிதிகளுக்கும் அழைப்பு அனுப்பப்பட்டு உள்ளது.

கூட்டத்தில் தமிழக அரசின் இந்த முடிவைக் கைவிடக்கோரி தீர்மானம் நிறைவேற்றப்படும். அரசு மறுக்கும் பட்சத்தில் தொடர் போராட்டங்கள் நடத்த முடிவு செய்யப்படும்.

இவ்வாறு அவர் கூறியுள்ளார்.