"போதையில்லா தமிழ்நாடு!"- தமிழக அரசின் அனைத்து நடவடிக்கைகளுக்கும் த.வா.க முழு ஆதரவு அளிக்கும்- வேல்முருகன்

இதன்பின் 4,048 டாஸ்மாக் கடைகளை படிப்படியாக அரசு மூடி முழுமையான மதுவிலக்கை கொண்டுவரவேண்டும்.

மேலும் போதைபொருட்களாக கஞ்சா, அபின், ஹெராயின் உள்ளிட்ட போதை பொருட்கள் விற்பனையையும் தடுத்து நிறுத்திடவேண்டும். இதன் மூலம் பெண்களின் பாதுகாப்பையும், சட்டம் ஒழுங்கையும் நிலை நிறுத்தி, போதையில்லா தமிழ்நாட்டை உருவாக்கிட முடியும்.

படிப்படியாக மதுக்கடைகளை மூடும்போது அக்கடைகளில் கண்காணிப்பாளர், விற்பனையாளர், உதவியாளர் பணியிடங்களில் பணியாற்றும் 10ம் வகுப்பு முதல் முதுநிலைப்பட்டம் மற்றும் பொறியியல் பட்டம் பெற்றவர்களுக்கு அவர்களின் கல்வித்தகுதியின் அடிப்படையில், நிரப்பப்படாமல் உள்ள பல்லாயிரக்கணக்கான அரசுப்பணியிடங்களை ஒதுக்கி அவர்களின் குடும்பத்திற்கும் வழிக்காட்டிட வேண்டும்.

இன்று நாள்தோறும் நடைபெறும் குற்றங்களுக்கு அச்சாணியாக இருப்பது மது மற்றும் போதை பொருட்களின் நுகர்வுதான் என்பதை அனைவரும் உணர்ந்துள்ளனர். மது போதைக்கு அடிமையான இளைஞர்கள் மற்றும் அனைத்துதரப்பினரையும் மீட்காவிட்டாகவேண்டிய கட்டாயம் ஏற்பட்டுள்ளது.

மேலும், தாலுகா அளவிலான மருத்துவமனைகளில் மறுவாழ்வு மையங்கள் அமைக்கப்பட வேண்டும்.

மேலும் கள்ளச்சாராயம் விற்பனையை கண்காணிக்கதவறிய காவல்துறை மட்டுமல்லாது, வருவாய்துறையினர், ஊரக வளர்ச்சி மற்றும் உள்ளாட்சிதுறையின் பணியாற்றுபவர்கள் மீதும் கடும் நடவடிக்கை எடுக்கப்பட்டு பணி நீக்கம் செய்யப்படவேண்டும்.

இவற்றை உடனடியாக அரசு செயல்படுத்தினால் மது இல்லாத தமிழகத்தை உருவாக்க முடியும். இதற்கான அனைத்து நடவடிக்கைகளுக்கும் தமிழக வாழ்வுரிமைக்கட்சி துணை நிற்கும் என்று தெரிவித்துக்கொள்கிறேன்.

இவ்வாறு அவர் குறிப்பிட்டுள்ளார்.