பாச மழையில் நனைந்த குட்டி யானை: செல்பி எடுத்து மகிழும் கிராம மக்கள்... தாயுடன் சேர்க்க வனத்துறை தீவிரம்!

திரும்ப வந்துட்டான்...

இந்த நிலையில் இந்த குட்டி யானை கடந்த ஒரு மாதத்திற்கு மேலாக கிராம பகுதிகளுக்குள் வராமல் இருந்த நிலையில் கடந்த 2 நாட்களாக தேன்கனிக்கோட்டை அடுத்துள்ள மாரசந்திரம் என்ற கிராமத்திற்கு வந்து செல்கிறது. குட்டி யானையை பார்த்த கிராம மக்கள் மற்றும் இளைஞர்கள் ஒன்று சேர்ந்து அதனுடன் போட்டோ மற்றும் செல்பி எடுப்பதும் அதற்கு உணவு வழங்கி கொஞ்சி விளையாடுவதும் போன்ற செயல்களில் ஈடுபட்டனர். திரும்ப வந்துட்டான்யா... செல்லக்குட்டி என்று கிராம மக்கள் மகிழும் அதே நேரத்தில், இது குறித்து தகவல் அறிந்து சென்ற வனத்துறை அதிகாரிகள் குட்டி யானையை கிராமத்தில் இருந்து வனப்பகுதிக்கு விரட்டி சென்றனர்.

குட்டி யானையை அதன் தாயுடன் சேர்ப்பதற்கு வனத்துறையினர் தீவிர முயற்சிகளை மேற்கொண்டாலும், தாய் யானை குட்டியை அதனுடன் சேர்ப்பதில்லை என கூறப்படுகிறது. இருந்த போதிலும் வனத்துறையினர் விடாமுயற்சியாக குட்டியை அதன் தாயுடன் சேர்க்க முயற்சிகளை மேற்கொண்டு வருகின்றனர். ஆனால் கிராம மக்கள் மீண்டும் இந்த குட்டி யானை கிராமத்திற்குள் வரும் என நம்பிக்கை தெரிவித்து வருகின்றனர்.