தவெகவுடன் கைக்கோர்ப்பு - காங்கிரஸை கண்டித்து திமுக தீர்மானம் நிறைவேற்றம்

நடைபெற்று முடிந்த தமிழ்நாடு சட்டமன்ற தேர்தலில் திமுக தலைமையிலான மதச்சார்பற்ற கூட்டணியில் நின்று வென்றுவிட்டு, தற்போது அதிலிருந்து விலகி, நடிகர் விஜய்யின் தமிழக வெற்றிக் கழகத்திற்கு ஆதரவு தெரிவித்துள்ளது காங்கிரஸ்.

இந்நிலையில் காங்கிரஸின் இந்த செயலுக்கு கண்டனம் தெரிவித்து திமுக எம்.எல்.ஏக்கள் கூட்டத்தில் தீர்மானம் நிறைவேற்றப்பட்டுள்ளது.

தேர்தல் முடிவுகளுக்கு பிறகு இன்று திமுக எம்எல்ஏக்கள் கூட்டம் கூடியது. இதில் மக்கள் மற்றும் தோழமை கட்சிகளுக்கு நன்றி, கட்சித் தலைவருக்கு நன்றி, தலைவருக்கு அதிகாரம், காங்கிரஸிற்கு கண்டனம் என நான்கு தீர்மானங்கள் நிறைவேற்றப்பட்டன. இதில் காங்கிரஸிற்கு கண்டனம் தெரிவித்து நிறைவேற்றப்பட்ட தீர்மானத்தில் கூறியதாவது,

“மதச்சார்பற்ற முற்போக்குக் கூட்டணியில் இருந்து விலகுவதாக, அகில இந்திய காங்கிரஸ் கட்சி எடுத்த நிலைப்பாடு கடும் கண்டனத்துக்குரியது. காங்கிரஸ் கட்சி தனது பழைய குணத்தை மாற்றிக் கொள்ளவில்லை என்பதையே இது எடுத்துக்காட்டுகிறது.