சென்னை-மங்களூரு எக்ஸ்பிரஸ் ரெயிலுக்கு கூடுதல் நிறுத்தம்

சேலம் ரெயில்வே கோட்டத்திற்கு உட்பட்ட பகுதிகளில் பராமரிப்பு பணி நடைபெறுவதன் காரணமாக சென்னை எழும்பூரில் இருந்து இன்று (செவ்வாய்க்கிழமை) மற்றும் நாளை இரவு 11.15 மணிக்கு புறப்பட்டு கர்நாடக மாநிலம் மங்களூரு சென்டிரல் செல்லும் எக்ஸ்பிரஸ் ரெயில் (வண்டி எண்-16159) இருகூர் மற்றும் போத்தனூர் வழியே இயக்கப்படும். மேலும் கோவை வடக்கு மற்றும் கோவை ரெயில் நிலையங்களில் நிற்காது. பயணிகளின் வசதிக்காக கூடுதலாக நிறுத்தமாக போத்தனூரில் நிறுத்தப்படும். ஜம்மு-காஷ்மீர் மாநிலம் வைஷ்னோ தேவி கட்ராவில் இருந்து இரவு 10.25 மணிக்கு புறப்பட்டு கன்னியாகுமரி செல்லும் இம்சாகர் எக்ஸ்பிரஸ் ரெயில்(16318) வருகிற 10-ந்தேதி வரை இருகூர் மற்றும் போத்தனூர் வழியே இயக்கப்படும். மேலும் கோவை நிறுத்தத்தில் நிற்காது.

பயணிகளின் வசதிக்காக கூடுதலாக நிறுத்தமாக போத்தனூரில் நிறுத்தப்படும். கேரள மாநிலம் சோரனூரில் இருந்து வருகிற 7 மற்றும் 10-ந் தேதிகளில் காலை 8.20 மணிக்கு புறப்பட்டு கோவை வரும் பயணிகள் ரெயில் போத்தனூர்-கோவை இடையே பகுதி நேரமாக ரத்துசெய்யப்படுகிறது. மறுமார்க்கமாக, அதே தேதிகளில் கோவையில் இருந்து மாலை 4.30 மணிக்கு புறப்பட்டு சோரனூர் செல்லும் பயணிகள் ரெயிலும் போத்தனூர்-கோவை இடையே பகுதி நேரமாக ரத்துசெய்யப்படுகிறது.