கோவில்பட்டியில் வாலிபர் குத்திக்கொலை

கோவில்பட்டி வ.உ.சி. நகரை சேர்ந்தவர் வெங்கடாச்சலம் (50). இவர் கோவில்பட்டி தெற்கு பஜாரில் கடை நடத்தி வருகிறார். அந்த கடையில் முத்துலெட்சுமி வேலை பார்த்து வருகிறார்.

இந்நிலையில் முத்துலெட்சுமியின் நடத்தையில் ராம்குமாருக்கு சந்தேகம் ஏற்பட்டுள்ளது. அது தொடர்பாக அவர்களுக்குள் அவ்வப்போது தகராறு ஏற்பட்டு வந்துள்ளது.

இந்நிலையில் ராம்குமார் மது போதையில் நேற்று இரவு வ.உ.சி. நகரில் உள்ள வெங்கடாச்சலம் வீட்டிற்கு சென்று வாக்குவாதத்தில் ஈடுபட்டார். பின்னர் அவர் வீட்டுக்கு சென்றார். இதையறிந்த வெங்கடாச்சலத்தின் உறவினர் கோபிநாத்தும், அவரது நண்பரும் ராம்குமார் வீட்டிற்கு சென்று அவரை கண்டித்துள்ளனர்.

பின்னர் அவர்கள் வீட்டிற்கு நடந்த சென்று கொண்டிருந்த போது அங்கு சென்ற ராம்குமார் மீண்டும் அவர்களிடம் தகராறில் ஈடுபட்டுள்ளார். அப்போது ஆத்திரமடைந்த கோபிநாத் கத்தியால் அவரை குத்தினார். இதில் அவர் சம்பவ இடத்திலேயே உயிரிழந்தது விசாரணையில் தெரிய வந்துள்ளது.

இது தொடர்பாக வெங்கடாச்சலத்திடம் போலீசார் விசாரணை நடத்தி வருகின்றனர். மேலும் தனிப்படை அமைத்து கோபிநாத் மற்றும் அவரது நண்பர்களை தேடி வருகின்றனர்.